校规「唔畀书包挂公仔」 学生呻惨：影响到乜？更奇怪校规：眼镜框唔可以粗过xcm︳亲子热话
发布时间：12:37 2025-09-02 HKT
开学了，各位莘莘学子应当收拾好心情重投校园生活，不少孩子从幼稚园上小学，或成为初中生，也有大一学生，走进新校园需要适应新生活，还有新校规。有学生就于网上讨苦水，指学校定下新校规「唔俾带超过3只公仔」，有学生更指「唔俾书包挂公仔」，令他们不思不得其解，「唔明其实挂公仔会影响到啲乜」。但有留言分享，原来这条「校规」已存在于不少学校20年以上！
亲子热话︳校规「唔畀书包挂公仔」学生呻惨
校规是为了维持学校秩序，上学不准迟到、上课不准谈话……都是「常见」，但原来有不少学校于近年定下新校规：不准书包挂上公仔。有学生于Threads上分享指「学校嘅新校规，真系劲无言，唔俾带超过3只公仔，同公仔唔可以超过12cm」，亦有学生于[email protected]上分享：「新校规学校唔俾书包挂公仔」，学生们对于这条校规表示无奈：「唔明其实挂公仔会影响到啲乜？影响到老师教书？影响到上堂？影响到秩序？影响到读书？」
有留言就指这条校规定得「合理」：「其实唔畀挂都好啱，而家有啲人追潮流系为咗喺同辈间晒命，唔比带公仔返学可以减少一部分炫耀，学生仔冇独立经济能力，无谓搞到有细路同屋企人讲『我哋全班都有labubu点解我冇』嘅问题」、「其实认真讲，宜家教嘅系守规则同埋尊重场合，即系我唔系想slippery slope，但系有啲嘢唔由小做起，大个就好多野唔知点解唔做得，人地丧礼你话我点解唔笑得，去亲戚屋企见到人地公仔好靓又问点解唔玩得咁，其实好多野都有hidden agenda，学校系学习既地方，其实要避免有啲影响学习环境嘅嘢，与其做自由战士先驱，不如做好自己本份」，网友都劝同学仔遵守校规，这亦是成长的一部分。
点击图片浏览同学有趣留言分享：
不过原来这条校规并非新鲜事，有学校早于20年前就已定下：「20年前我间中学都已经唔俾挂公仔，绝对唔系今时今日嘅事」。当然也有「搞笑」朋友「劝」小朋友打破校规：「唔挂出嚟 放喺书包入面」、「所以我唔挂系咪就得，咁我放扭蛋机书包」。
更奇怪校规：眼镜框吾可以粗过0.8cm
早于年初常到不同学校作school tour表演的周殷廷（YT）亦曾发出帖文让学校们分享古怪校规引来热议，有同学分享：「眼镜框吾可以粗过0.8cm」、「内衣裤要纯白色，但校裙唔系纯白色」、「小息唔可以喺课室食嘢，但午息可以」、「小息打钟𠮶30秒定格唔准郁，郁咗要摘名（小学版鱿鱼游戏）」
各位家长与同学仔，你们的学校又有哪些「古怪」校规呢？不过要知道校规是用来维持学校秩序，助孩子创造良好的学习环境，规范学生的行为和态度，有助培养学生的责任感和守法精神，并教育他们理解行为对他人的影响，为进入社会做准备，所以同学们就别肆意去破坏校规了。
点击图片浏览网民分享奇怪校规：
资料来源：Threads@whoisyanting、IG@schools.secrets
相关文章︳中学书簿费贵得惊人 家长：「盛惠$5300」 网民：呢个年级买书最贵！
相关文章︳Coffee林芊妤误扔囝囝已完成暑期作业 大懵妈咪自责「大头虾」做一事补镬圆满解决︳亲子热话
