印傭版灰姑娘 廿歲女來港體驗人生 辭職回鄉嫁飛機師 網民：唔好睇少姐姐｜Juicy叮
發佈時間：11:15 2025-10-12 HKT
有「印傭版灰姑娘」來港打工體驗人生。當地一名廿來歲的女子以傭工身份來港工作數年後，突然向僱主要求提早完約回鄉結婚，嫁的原來是一名飛機師。僱主還透露這位幸福印傭，原來已擁有農場、咖啡豆園和可可豆田。詳情見下圖及下文：
印傭版灰姑娘 廿歲女來港體驗人生 辭職回鄉嫁飛機師 網民：唔好睇少姐姐逐張睇↓↓↓↓
相關閱讀：「萬能姐姐」圖文並茂教少主默書 港媽教路如何搵高質外傭
樓主：擔心佢網戀俾人呃
樓主早前在社交平台Threads以「工人姐姐」為題發帖，講述這件喜事：「話說我姐姐做咗幾年，突然話要早完約飛返印尼結婚。佢之前有俾過相我哋睇，好靚仔又著機師衫。而我姐姐係天真愛笑嘅2x歲女仔，但做嘢似大小姐，我哋好擔心佢網戀俾人呃，點知…」。
樓主續指「佢話個男仔大過佢，由學生期間每個月已經俾3000蚊佢，如果佢返印尼生仔會加碼到6000蚊。我聽完之後即刻叫佢立刻原地結婚啦，好男人嚟。原來佢只是來體驗人生，唔好話樓，人哋已經有農場、咖啡豆園同可可豆田等」。
相關閱讀：新手波士：面試外傭問乜好？ 網民列舉模擬問題教路 仲提醒一樣嘢......
網民：唔好睇少啲姐姐
回應的網民即時聯想到迪士尼經典卡通《仙履奇緣》內的「灰姑娘」，有人更精警地形容「原來姐姐係嚟working holiday（工作假期）」。
在帖文的回應欄，不少網民也排隊自爆請著了個背景很不錯的工人姐姐，不同故事有不同驚喜，有人直言「有時真係唔好睇少啲姐姐」：
•有時真係唔好睇少啲姐姐，我曾經請過一個姐姐，第一日到埗係拎住部iPad mini（迷你平板電腦），當年剛出1年左右，之後英文勁好，Ielts（雅思國際英語測試，International English Language Testing System）有7分以上，盡心盡力照顧我哋屋企同教仔4年。原來佢一早已經當香港係跳板，會去加拿大做嘢，我哋最後都好唔捨得佢，但都放佢走。6年後嘅今日，佢喺加拿大置業，有一份餐廳經理嘅工作，我都好戥佢開心。
•我姐姐都係！！佢又係有屋有地，佢本身喺印尼讀完大學之後做緊護士 ，但係 因為想逃避佢個前夫，所以先過嚟香港做嘢......因為佢前夫嗰陣時俾我姐姐捉姦在床，我姐姐覺得喺印尼會觸景傷情，係咁諗返起嗰啲嘢，所以決定嚟香港散吓心；
•請過一個有田有地有車有屋，個farm（農場）請人做嘢，不過應該係喺香港賺到錢慢慢逐步買嘅，我仲借錢俾佢買咗塊地添，咁平我都想買返塊。另一個俾屋企張相我睇，廚房大過我間屋；
•當年我工人姐姐佢自己喺菲律賓間屋係別墅嚟，仲有游泳池，同埋間屋再請咗個工人。另一個工人姐姐大學畢業，本身喺菲律賓做老師，但香港搵多啲就嚟做姐姐，佢每年放假帶佢呀媽去歐遊；
•我以前有個姐姐又係咁，佢嚟呢度純粹想避佢奶奶，佢又係好有錢，又有農場又地，之後做咗半年到就返咗去，但我好唔捨得佢，我同佢好好傾，佢係我最鍾意嘅姐姐！
•之前個姐姐有屋有地有車乜都有，而佢仲喺香港返工嘅原因係佢覺得呢個係神俾佢嘅任務，要佢照顧有需要嘅人！佢真係成個天使咁好人；
•我上個姐姐都係做咗幾個月突然話網上情緣嫁去美國，我都擔心佢俾人呃…fb（facebook）見佢依家真係過緊american dream（美國夢）；
•我以前個工人姐姐都係有錢女嚟，平時買餸都話唔使claim（索取）錢；
•我以前有個印尼姐姐都係，聽講佢係軍官個女，因為早戀(?) 爸爸唔開心逼佢出嚟體驗人生；
•以前有個姐姐都有地有屋，仲問返我哋要唔要買塊喺佢隔離；
•我哋嘅姐姐，因為逃避有錢奶奶嚟香港做嘢。
資料來源：sl.mmst_＠Threads
相關閱讀：來港菲傭面試過程全曝光 對話藏潛規則 網民：太可憐↓↓↓↓
有港漂實拍在港菲傭的面試現場，在菲傭的面試對話中，被指隱藏外傭職場的潛規則，引來網民熱論。該名港漂趁朋友聘用菲傭，要進行面試，問准他即場拍攝↓↓↓↓
