金價飆升│市民放金寧等7小時 長者欲套現竟「食白果」 笑稱寧拎現金：擺喺度又無息
發佈時間：17:18 2025-10-11 HKT
近日金價持續高企，金價重上每盎司4000美元關口，即突破3.1萬港元，有金行出現「賣金潮」。《星島頭條》記者昨午（10日）前往上環一間金舖察看市民賣金情況。在下午4時，該店舖即使已過營業時間，仍有數十名市民排隊賣金。有市民等候時間長達7小時，只為將家中舊金飾套現。
該間位於上環市中心的金舖，一向以「高價收金」聞名，吸引一眾市民前來排隊賣金。由於近日賣金者買，該舖採取派籌模式要求放金巿民先取籌，後賣金。昨日該店派發253個籌號，記者在下午4時到達店舖，僅處理至187籌號，直至下午5時半，該店方處理好所有當日籌號。
為放金等候數小時 長者笑言走咗啲錢都冇用
獲今日最後一個籌號的吳女士表示，今早10時半到達拿籌，指早上「好多人，排到成行成市」，她「好好彩」剛好拿到最後一個籌，當時處理至籌號77號，店員估計她可以「食埋飯先返嚟」，怎料最後等待至5時半「先至成功賣出」。
吳女士表示，今次將家中沒有用或款式過時的「K金」、「飾金」出售，「有啲鑲過嘢嘅戒指，唔啱用咪賣咗佢」，加上該店回收價較一般金舖高，認為「與其擺着不用」，不如趁高價賣出，稱「我哋幾廿歲，走咗啲金就無用」。
市民嘆籌號半日派完 冀賣金後套現「食息」
居住在筲箕灣的張先生及其太太下午才來，發現籌號早已派完，張生笑言「佢哋收工喇」。張太則表示，前兩周她已經曾經到來賣金，形容「當時無咁犀利嘅」，她當日下午兩時來到仍拿到籌，而且當日只派了約190個籌號。
被問及上次賣金獲利多少，張太表示上次共售出近10萬元的金飾，「呢個時間我都唔會買㗎喇，無可能追高位啦」，稱今天本身也打算前來賣金，「拎咗啲戒指、金幣嚟賣，差唔多三萬蚊」。她續指，今次拿出來賣的都是以往購入的，「好耐以前買㗎喇，有啲廿幾、三十幾年買嘅，有啲萬幾蚊買嘅」。張生笑言，「擺喺度又無利息嘅，索性賣咗佢套現拎現金都好，食下息都好。」，又稱「有錢食得豪啲都好」。
住在沙田的陳小姐則指自己早上11時前來排隊，但剛好「拎唔到籌」，幸好獲好心人贈送籌號，「雖然個籌都240幾」，但等了超過7個小時仍未能賣金。
記者、攝影：李健威
