港式蛋撻大戰！Bakehouse蛋撻不代表香港？港人嘆傳統牛油皮/酥皮蛋撻式微網民反駁：唔同嘢嚟冇得比較

更新時間：10:47 2025-08-02 HKT
發佈時間：10:47 2025-08-02 HKT

香港地道美食深受遊客歡迎，其中港式蛋撻就是代表美食之一。傳統蛋撻大多分為牛油皮（即曲奇皮）及酥皮款式，而近年酸種蛋撻興起，又以烘焙店Bakehouse的出品最有名，吸引不少本地人及旅客排隊品嘗。不過，最近有港人於網上發文討論，認為大眾能更關注傳統餅店的蛋撻，又指Bakehouse蛋撻因1原因不能代表香港，更表示如果想試香港蛋撻，「求其入一間地道嘅麵包店都好好食」，掀起網民一波爭論，直言：「唔同嘢嚟冇得比較」。

港式蛋撻大戰！港人直指Bakehouse1原因不代表香港？

香港為國際美食之都，吸引遊客慕名品嚐地道特色美食，當中也包括蛋撻。港式蛋撻大多分為牛油皮或酥皮口味，近年人氣餅店Bakehouse冒起，其出品的蛋撻也吸引遊客排隊入手，更有人形容為香港蛋撻。

不過，最近有港人於網上發文討論，認為Bakehouse的蛋撻不是「香港蛋撻」，指出該店亦「並唔係香港人開」，由來自瑞士的Grégoire Michaud開設。樓主表示如果想試香港蛋撻，「求其入一間地道嘅麵包店都好好食，$5-6港幣都好正」。

網民反駁：唔同嘢嚟冇得比較

帖文掀起網民一波爭論，有網民提出何謂「香港」定義，「香港好多local嘅麵包舖上一代都係大陸落嚟嘅，咁仲係唔係香港麵包舖呢？」。有網民批評樓主則表示如果想介紹香港人開設的餅店，「洗乜特登話Bakehouse係瑞士藉人開」、「你最多話人唔係整港式蛋撻」、「Bakehouse唔係傳統香港蛋撻，但都算係香港品牌」。

有網民補充，Bakehouse所售的是「酸種撻」，本身有別於港式地道蛋撻，「兩種蛋撻唔同嘢嚟，冇得比較」、「想食bakehouse嗰個就去bakehouse買，想食傳統蛋撻果時咪去傳統餅店買，冇衝突」。

有網民則表示遊客未必知道甚麼是正宗香港蛋撻，「尤其台灣遊客係分唔清咩嘢叫葡撻同蛋撻」，樓主表示同意，亦強調自己兩者都會買，欣賞各自的優點，帖文原意是想大家更重視香港傳統餅店的蛋撻，「想食香港傳統蛋撻可以喺麵包店／茶餐廳買」。

文:RY
資料及圖片來源:Threads