荷里活金牌武指林迪安激罕談情史 與前妻離婚：佢話鍾意女人 女兒林沚羿參加《聲夢傳奇》入行
發佈時間：20:30 2026-08-16 HKT
64歲的著名動作指導兼演員林迪安，曾一度到荷里活發展，為《22世紀殺人網絡》及《蜘蛛俠2》等大製作擔任武術指導。近日他在社交平台分享自己的感情史，剖白兩段婚姻對他的影響，尤其是前妻竟因「鍾意女人」而提出離婚，並要為她還債，令他經歷了人生一大低潮。
林迪安前妻因鍾意女人而離婚
在影片中，林迪安透露從小就憧憬迎娶外國女人：「生出嚟嘅混血兒，咪好靚仔、好靚女囉，於是乎我就真係搵咗個外國嘅女仔，一個德國人，生咗兩個仔，真係幾得意㗎喎！」然而前妻某天竟向他坦白：「老公其實我係鍾意女人㗎。」林迪安坦言當時猶如「晴天霹靂，同你生咗兩個仔，然話同你講鍾意女人」。最終他無奈離婚收場，同時令他痛失所有：「她把所有東西都帶走，兩個仔，我成副身家，我仲欠落人哋一屁股債要幫佢還。」
相關閱讀：林迪安女兒林沚羿性感泳照大放送 穿比堅尼晒驕人上圍 不隨父闖國際影壇 加入TVB發展
林迪安現任老婆助夫闖荷里活
經歷人財兩失的打擊後，林迪安後來遇上了現任妻子，迎來人生轉捩點。他對第二任老婆讚不絕口，直指對方賢良淑德，更是他在荷里活發展的幕後功臣。林迪安感恩地憶述：「我小學畢業，唔識英文嘅，喺美國嗰段時間呢，佢幫咗我好多，睇劇本同埋睇合約，全部都係佢幫我睇嘅，如果唔係我可能俾人呃咗，賣咗豬仔，去咗KK園。」走過高山低谷，他感嘆一切皆是緣分：「所以緣分呢樣嘢呢，係唔到你唔信嘅。呢個世界好多嘢係整定嘅，所有嘢發生，都係上天最好嘅安排。」
林迪安女兒林沚羿參加《聲夢傳奇》入行
林迪安與現任老婆生活美滿，兩人育有26歲的女兒林沚羿，自幼學習唱歌，童年時更被《蜘蛛俠2》導演Sam Raimi睇中，客串演出被「蜘蛛俠」拯救的小女孩。長大後的林沚羿隨著父親入行，參加TVB選秀節目《聲夢傳奇》並躋身14強，其後加入TVB，接連參演《飛常日誌》、《新聞女王2》及《臥底嬌娃》等劇集，演技備受肯定。
相關閱讀：不如食豪D丨林迪安父女檔任嘉賓搞爛gag 林沚羿想繼承衣缽做打女
