施明遺願曝光拒絕爭拗最緊要係兩個仔好赴美生活曾遭黑幫追殺難忍大仔因一事名譽掃地

更新時間：15:00 2026-04-14 HKT
發佈時間：15:00 2026-04-14 HKT

李家鼎（鼎爺）前妻施明生前愛子如命，她曾在2022年7月接受YouTube節目《小肥豬周記》的訪問，談及當年與李家鼎離婚後，獨力帶着兩個兒子遠赴美國，期間更曾為保護兒子而被黑社會追殺，生活艱苦：「我放棄好多嘢栽培兩個仔，對佢哋好大期望。」期間施明亦因為大仔李泳漢被媒體「砌生豬肉」名譽盡毀而落淚。

李泳漢與李泳豪反目成為焦點

施明的喪禮將於4月22日於大圍寶福紀念館設靈，翌日大殮儀式結束後，靈柩隨即奉移富山火化場火化。自從施明上月離世後，兩名兒子李泳漢和李泳豪掀起家庭糾紛成為焦點，（李泳漢）曾撂下狠話拒絕弟婦林妤謙（Agnes）現身送殯，老竇李家鼎打破沉默揭露前妻生前疑遭長子李泳漢威嚇，更直斥大仔脾氣暴躁令親母畏懼，還坦言因見不到最後一面的終身遺憾。

施明最後訪問曝光

施明早已淡出娛樂圈，專心享受天倫樂，不過她曾在2022年中接受了黃夏蕙前經理人、現任亞視節目總監李文偉（Simon/小肥豬）的YouTube節目《小肥豬周記》專訪。在訪問上，施明剖白了多年來栽培兒子的艱辛，更眼眶泛紅控訴大孖李泳漢當年如何被媒體「屈砌生豬肉」毀掉名譽，這次訪問亦成為了她生前最後一個長專訪。施明在1994年以性格不合為由單方面申請離婚，其後帶了一對孖仔移民美國，不過她曾稱在美國的日子並不好過，當時人生路不熟，曾致電胡金銓導演求助，沒想到等了一個月後才得知對方已撒手塵寰。為了生計，她放下演員身段，試鏡拍廣告、做配音，加上李家鼎提供的生活費補貼，才得以度過難關：「當年呢個決定真係好勇敢，而家諗返都好驚。」最後3母子留美5年後返港，在訪問上，施明亦有提及帶著兩個幼子遠走美國：「兩個仔係我命根，我放棄好多嘢栽培兩個仔，我對佢哋好大期望，佢鍾意拍戲我畀佢拍戲，佢去讀書我跟佢去讀書，邊個唔錫仔女，貓貓狗狗都錫佢啲仔女，何況我栽培到讀完大學返嚟。」李泳漢和李泳豪返港後加入娛樂圈繼續做藝人，李泳漢曾於2002年向傳媒自稱擁有通靈的能力，用天眼看到有一段「宿世姻緣」，當時曾惹來不少熱話，但施明在訪問中直指整件事是被人「夾硬砌」，並激動地說：「我係做錯咗啲嘢，因為佢哋接受訪問我冇跟喺旁邊，有啲人用唔好嘅手法去訪問，成件事係屈、係『砌生豬肉』！我個仔去到現場，擺低飯盒、擺低紮花，夾硬要話呢件事發生。我個仔打俾我，講呢件事發生緊，我叫佢俾個電話我同個記者講。」

施明遺願：最緊要兩個仔好

施明坦言曾跟相關記者在電話交涉，卻換來冷嘲熱諷：「講咗一輪，佢問我：『你而家求我呀？』佢話：『你求我都冇用，我而家要點做就點做。』我話你咁樣係害死佢一世！我叫阿仔即刻走，但影咗相，叫佢走都冇用啦...唔好咁樣啦。」施明無奈地說：「我喺美國帶住兩個仔四圍走，我冇咩background，冇人幫我，喺美國我為了保護兩個仔而被黑社會追殺，我四圍搬屋去避，返到嚟香港我估唔到呢啲事會發生。你打爛佢飯碗冇緊要，佢可以轉行，但你毀壞佢名譽，尤其呢一行，名譽好緊要，佢邊度都唔使撈。何況，呢件事好多人都知係明屈明砌，你哋都知呢件事，但點解佢做選舉時又攞返呢件事嚟打擊佢，係咪想行行都冇得俾佢撈，係咪想餓死佢成家人？！」施明一度激動得講不出說話，眼淚在眼眶打轉，深呼吸了一口氣續說：「你咁樣糟蹋我個仔，直至最近仲有人重提呢件事。好多事我係過去咗，唔係一個仔，係兩個仔都係咁樣。你哋未接受過我訪問，唔好咁樣，唔好呀。」平復過後，施明說：「放低咗喇，希望大家都係和睦相處。呢個世界幾時都係多個朋友好過多個敵人，去邊度都開開心心。我唔想再有咩爭拗，最緊要係兩個仔好。生命一定有限期，我想做人積多啲福報，希望留啲畀自己，有一個好晚年，可以安享晚年。呢啲福報可以令我屋企好和睦、好健康、好富裕，亦可以將呢啲福報帶去畀我啲孫兒，教佢哋點積福行善。」

施明以「好熟悉的陌生人」形容與李家鼎關係

施明亦被問到與李家鼎的關係，她曾說：「一個好熟悉的陌生人，不過大家好珍惜以前大家的情義，但過去咗唔需要再提。依家個心係一片空白，將來係未知之數，我係期望佢身體健康，長命百歲，繼續富貴榮華，煮多啲好餸，同我好好地湊我兩個仔，畀多啲機會佢哋。」李家鼎曾自認離婚是他人生中最大的失敗，離婚後，他對施明與兒子照顧有加，兩人不帶一點仇恨，施明亦視李家鼎為親人：「佢係我前夫，佢又係我個仔嘅爸爸，即係親人。」有傳李家鼎當年對施明仍有留戀，曾多番要求復合，不惜飛往美國求復婚，但始終未能挽回施明的心。李家鼎對施明依然疼惜，得知施明死訊後，他幾乎夜夜痛哭，亦坦承未能見到施明最後一面成為終身遺憾，最後因悲傷過度暴瘦至僅剩120磅。

↓立即下載星島頭條App↓