「移英女星」浴後毛巾滑落幾乎全裸女兒難識朋友爆移民幸酸當地人缺衛生常識好恐怖？

更新時間：09:00 2026-03-01 HKT
發佈時間：09:00 2026-03-01 HKT

吳日言於2024年，跟老公及3名子女離開香港移民英國倫敦西部雷丁（Reading），展開全新生活。吳日言於當地遇到不少困難，曾試過因當地天氣頻頻病倒變「藥煲」，新舖開業不足半年又跟業主交惡，可謂荊棘滿途。日前吳日言跟家人返港參加親戚婚禮，並接受好友、前有線主播可宜的訪問，期間大爆移英辛酸，雙方更分享當地人育兒跟香港人有極大差異感覺好震撼，並驚訝當地人對衛生方面的豪邁，直言感到不可思議。吳日言於香港似乎感覺極度鬆弛，日前她上載影片到IG，幾乎不慎讓粉絲看到全相！

吳日言女兒升小學失利造就移民

吳日言回港後接受另一位媽媽、前有線主播可宜的訪問，除了雙方一直老友鬼鬼外，亦因為吳日言現已移民英國，可宜亦曾於英國住上6年，彼此話題不絕。吳日言表示，是因為女兒於香港因為未能升上理想的小學，故此決定舉家移民英國，她表示想起當日搭飛機到英國時，全家人帶了十幾個喼，十分辛苦。

吳日言：移英頭半年是蜜月期

吳日言表示，去到英國的頭半年是蜜月期，一家人對於居住環境比於香港時大得多，都覺得好開心，但隨時間過去，就開始覺得「都係啲花草樹木」，慢慢就失去驚艷感，可宜亦表示「仲有英國真係好凍囉」。

吳日言對女兒難識朋友感心痛

吳日言指，其女兒上學後遇到好大的難題，就是未能結識到朋友：「佢返嚟同我講，放Break時佢只係自己坐喺度，冇人睬佢」，身為媽媽的吳日言聽到之後覺得好心痛，並表示「佢英文冇問題，佢可以同人溝通到，仲講得幾叻添，但就係冇人睬佢。我哋係大人，就話可以自己行多一步去識朋友，但小朋友有困難就係有困難」。

相關閱讀：移英「多仔婆女星」全家低調返港極大膽自爆閨房秘密七年抱三有秘訣？

可宜分享英國恐怖經歷

此外，因為吳日言有3個小朋友，而且她「7年抱3」，所以3名子女年紀都好細依然需要大量照顧時間，吳日言更指其丈夫有時仍然是小朋友，故此移民英國後，都有崩潰的時間。此外，因為吳日言和可宜都認同，英國人跟香港人對育兒方面有很大的不同，於衛生方面亦難言接近，可宜就分享一次恐怖驚歷：「嗰陣我喺蘇格蘭坐巴士，巴士上有好多水漬，相信係酒嚟。當時有個當地媽咪抱着一個1歲左右嘅BB，BB順手將奶嘴掟落地，個奶嘴當然係好污糟」，之後可宜問吳日言，知不知道該媽咪是如何清洗奶嘴，吳日言點頭話「估到」，原來該媽咪竟將奶嘴塞向自己的嘴以作「清洗」，之後再讓BB用，可宜表示「你果然係住喺英國，唔係你點估到」，並指相關行為難以接受。