Coffee林芊妤宣布誕下第二胎母女平安曾因BB或有缺陷爆喊初生B女正面曝光超可愛

更新時間：17:03 2025-11-07 HKT
發佈時間：17:03 2025-11-07 HKT

林芊妤（Coffee）宣布順利誕下第二胎，並將寶貝女的正面容顏上載網上，表示母女平安。初生BB非常可愛，全身圓碌碌非常有肉，老公翟志榮和大仔翟德彥都十分開心，爭住和家中新成員影相！林芊妤公開4人新全家福，並透露今胎是剖腹生女，她指現時仍未可以落床，但就透露大仔對妹妹勁溫柔。

林芊妤順利生女母女平安

林芊妤於IG報平安，她表示：「報平安！同時都為大家送上剖腹完嘅第一張全家福，妹妹檢查完暫時健健康康一切安好呀，感恩！而我就到今日都仲係張床休息緊未落得床，真係過左一日先有力氣出Post同大家報平安，另一個重點係彥彥對妹妹真係好溫柔」。

林芊妤多謝婦產科醫生

林芊妤補充：「好感激好感激我既婦產科醫生黃凝，由上一胎到今胎都能夠得到你悉心嘅照顧～好幸福，多謝你帶我兩個寶貝安全地嚟到呢個世界」。

林芊妤生第二胎排除萬難

林芊妤今次生女可謂排除萬難，她曾於社交平台公開表示，BB驗血報告出了大問題，胎兒第13條染色體疑似出現異常，不知「小寶寶能否順利健康出世」。當時她指胎兒「13號染色體異常」（帕陶氏症），最壞情況可能會導致BB兔唇、多一隻手指、腳趾，或者智力有問題等，甚至小朋友或活不過一歲。但最後她決定繼續佗B，現時BB順利出世又健康，相信她一家也會好高興。

↓立即下載星島頭條App↓