戒煙有錢攞！毋須審查「XX歲」就有份 戒煙男驚揭隱藏福利+金額：真係冇諗過！｜Juicy叮
發佈時間：16:13 2025-11-07 HKT
有港男在社交平台發帖表示，自己一年前「玩玩下」參加的戒煙計劃，竟然真的成功戒除煙癮，更獲得現金獎勵，意外揭露戒煙可獲現金的隱藏福利及金額，引來網民熱議。
戒煙有錢攞！毋須審查「XX歲」就有份 戒煙男驚揭隱藏福利+金額：真係冇諗過！↓↓↓↓
該名港男在帖文中興奮表示：「一年前玩玩下join咗個戒煙熱線，真係冇諗過一年後真係成功戒到！」帖文更配上一連串哭笑不得的Emoji，可見他對自己的成功也感到難以置信。
而最令他驚喜的，莫過於實質的獎勵，他直言：「真係會獎勵300蚊，開心到傻！」
為力證所言非虛，該港男更Po出兩張相片，其中一張相，見到他手持三張簇新、俗稱「紅衫魚」的港幣$100元鈔票，相信就是他口中所說的$300元獎勵。
而另一張相可見一枝尼古丁（可的寧）測試棒，在港鐵站閘機的背景上，清晰顯示出「NEG」（陰性）結果，證明他體內已無尼古丁殘留，成功「搣甩」煙癮。
港鐵站做戒煙測試 港男：「含住舊嘢勁尷尬」
面對網民好奇該戒煙熱線「點測試你真係戒咗」，該港男亦有回應指是「測試唾液尼古丁含量」。不過，測試是安排在港鐵站進行，過程似乎有點難為情，有網民留言：「要含住舊測試棒，好尷尬」，港男亦大方承認：「係地鐵站含住舊嘢勁尷尬」。
帖文一出，大批網民紛紛留言「好厲害」、「恭喜你成功戒煙」，大讚他「成個人都香噴噴咗」
而$300現金獎勵亦成為焦點，不少網民驚訝「原來戒煙有錢收」，紛紛表示「我點解唔知」。有網民更指：「真係有？咁我都要為咗呢$300戒煙！動力大增。」
網民：戒煙有錢 動力大增
雖然有網民戲稱獎金「夠買3包煙」，但更多人認為獎金意義重大。有網民感性分析：「我諗依$300背後嘅意義，係你對人生嘅一個全新嘅睇法」，證明「你的確透過自己雙手可以做到」、「透過自己對自己嘅約束令自己進步」。
不少人被港男的毅力所鼓舞，留言勉勵：「煙都戒到，你要相信自己，人生入面其實有好多成你都可以透過自己達到！加油！」
更有網民精闢比喻，指「呢$300只係一個儀式，證明你嘅努力得到認同同埋嘉許！就好似老師獎勵小朋友嘅白兔印仔或者貼紙一樣」，而那些抗拒戒煙的人，則像「攞唔到貼紙嘅同學，一定會講風涼話」。
最後，網民總結：「吸煙係一個選擇，戒煙都係一個選擇。不過戒煙一定係一個好嘅選擇。」
不少人查詢這派錢的戒煙熱線詳情，港男亦大方公開，揭開此隱藏福利的詳情，他參加的是由香港大學護理學院舉辦的「香港大學青少年戒煙輔導服務」，詳情如下：
有關戒煙有錢派的計劃重點：
計劃名稱：香港大學青少年戒煙輔導服務 (HKU Youth Quitline)
參加資格：25歲或以下的青少年
費 用：完全免費
服務內容：透過朋輩輔導員定期打電話跟進，給予支援及鼓勵。
成功獎勵：成功戒煙並在參加後第6個月通過可的寧唾液測試，即可獲$300現金獎勵及證書。
報名方法：可致電或WhatsApp熱線 5111 4333 查詢及報名。
該計劃官網：https://www.yquit.nursing.hku.hk/
來源：1k0nam3＠Threads
同場加映：港男巴士「世紀奇遇」竟獲車長派錢？一原因獲贈8倍車資惹熱議↓↓↓↓
