小儀宣布辭職10月底退出《早霸王》 効力商台近30年今早爆震撼彈 感性發文：對唔住，我想行開下
發佈時間：11:25 2025-10-10 HKT
【阮小儀/小儀/森美/商台】現年54歲的阮小儀（Kitty Yuen）宣布從香港商業電台（商台）辭職。阮小儀自1994年起加入商台至今已將近30年，曾經為商台主持多個大熱節目包括與拍檔森美的《早霸王》、《架勢堂》等，大受聽眾歡迎。今日（10月10日）阮小儀在節目《早霸王》中突然宣布自己已經辭職，最後工作日為今年10月31日。
小儀離職商台｜94年加入商台廣告創作部
阮小儀原名阮佩儀，年幼時在華富邨長大，曾就讀廣悅堂基悅小學以及嘉諾撒聖心書院，中學時期曾跟前立法會議員陳淑莊為同學，及後於香港中學會考中取得14分奪得1B5D1F成績，及後升讀香港理工大學設計系。直至1994年10月17日，阮小儀正式加入香港商業電台廣告創作部。
小儀離職商台｜因《森美變態樂園》與森美結緣
1996年時，小儀協助商業二台前總監黃仲凱聲演週日黃昏的搞笑節目《廢話小說》的「阮小儀」一角後獲賞識，正式轉職為唱片騎師。其後小儀與森美主持電台節目《森美變態樂園》備受認可，二人合作無間因此促成了「森美小儀」的二人組合至今。及至1998年，小儀終於有機會獨力主持節目，而小儀的首個節目名為《從前有個阮小儀》。
小儀離職商台｜加入TVB成皇牌綜藝主持之一
直至2000年，小儀簽約TVB成為旗下藝人，曾經參演不少TVB劇集包括《男親女愛》、《百分百感覺II 冬日戀曲》、《森之愛情》、《情人眼裏高一D》，同時小儀亦成為「入屋」的TVB女主持，她有份擔任主持的節目包括與森美拍檔的《千奇百趣》系列、與金剛拍檔的《街坊廚神》系列，另外小儀由2021年起亦有參與ViuTV的劇集演出，例如2021年的《考有feel》、《中女唔易做》等。
小儀離職商台｜「希望多點時間陪屋企人」
阮小儀今日早上突然在《早霸》節目中表示自己已經辭職，並指她在商台的最後工作日為10月31日。小儀表示自己的積蓄可以足夠生活，所以希望有多點時間陪伴屋企人，以及享受人生。阮小儀的拍檔森美指，小儀離職原因並非因為健康問題，而是想開拓新的人生，森美說：「我成日話佢唔重要，但有影響力。」
小儀離職商台｜感性發文：離開的確需要勇氣
小儀離職商台消息曝光後，她隨後在個人社交平台發文交代離職感受：「如喺節目講嘅一樣，我走喇。喺商業電台工作已經30年，自己都冇諗過可以咁長情⋯⋯一段關係可以咁長久，必定係雙向嘅，你對我好，我亦好愛你。但，對唔住，我想喺而家行開一下，大膽地畀自己放手，去投入人生另一條航道。離開的確需要勇氣，我都考慮咗好耐，所以你唔駛替我可惜，亦唔駛多疑覺得有乜嘢問題發生，只係我覺得現在剛剛好。各人都有自己人生嘅時間表，節奏亦都唔一樣。」
小儀續說：「我今年好純粹地選擇 想喺11月自己生日月開始，好好地完結本身嘅崗位，然後誠實地 安然地去開始我另一段小路。嚟緊嘅呢場人生，我有好多嘢想做，有好多嘢想試，總之就係想喺呢段日子去見識下，去感受下，去學習下，去嘆下，去寵壞下。我仍然會工作，因為仍然要食飯吖嘛，所以唔係乜嘢搵夠呀嗰啲。況且，接觸過嘅客戶們個個都好錫我，我會做好自己，有機會繼續要合作愉快。10月31號就係我喺903 last day，希望大家陪我喺剩下嘅on air日子 開開心心 大大聲聲 嘈之巴閉咁去渡過。」
小儀離職商台｜暫不接受專訪
對於她辭職的決定和去向引起外界揣測，小儀以短訊回覆《星島頭條》：「感謝你的關心和邀請！這個月我仍然是商台的員工，繼續如常地做電台的工作，生活也一切正常。剛剛在社交媒體上分享了我的一些想法。」在商台離職前，小儀專心完成餘下工作，她稱暫時不打算進行專訪，等到完成商台的工作後，11月再考慮，並再次感謝大家的理解，希望日後有機會再合作。
