港鐵鰂魚涌站座椅驚變曱甴屋？ 乘客做一動作即躝晒出嚟：零距離十幾隻大包圍｜Juicy叮
發佈時間：10:43 2025-10-10 HKT
港鐵鰂魚涌站有月台座椅驚變曱甴屋？不幸驚動曱甴竇的乘客在網上揭發事件，指僅是做了個一動作，潛藏的「小強」即躝晒出嚟，形容事發時的慘況，是零距離被十幾隻大包圍。詳情見下圖及下文：
港鐵鰂魚涌站座椅驚變曱甴屋？逐張睇↓↓↓↓
樓主：一起身就縮返晒入去
樓主早前在社交平台Threads以「港鐵」為題上載短片發帖，怒揭月台座椅藏有蟑螂。樓主留言指「坐喺度等朋友啲曱甴好似有壓力感應咁躝Ｘ晒出嚟。一起身就縮返晒入去，同佢哋零距離咁濟。我依家成個人都唔Ｘ要得喇」。
樓主並在回應欄補充「依家凝住有嘢周身躝」、「本身十幾隻大包圍，我一起身就捐返晒入去」、「地下都話仲見到，啲曱甴喺張凳嘅藍白交界走出走入」。
「小強」竄出沿紙皮石爬格子
短片見到樓主特地踢座椅以引出蟑螂，結果踢不過約5下，便有一隻「小強」從左端座椅邊竄出，一路向上沿紙皮石像爬格子般往牆邊另一罅隙走去，最後在鏡頭前消失無蹤。
網民打冷震唔敢再坐
回應的網民都大驚，表示「打冷震」、「唔會再坐」、「以後唔敢坐」、「弊，從冇諗過咁恐怖，以後邊敢坐」、「哇Ｘ，我仲覺得挨住坐好舒服，唔敢坐了」。有人更加上載站內月台座椅相片，稱「而家見到都有少少陰影」。
在回應網民時，樓主重申「本身十幾隻大包圍，我一起身就捐返晒入去。我踢凳係想睇下影唔影得返俾你哋睇，都話壓力感應要坐個屎忽落去先爆出嚟」。於是有網民估計「十幾隻又真係...應該喺入面生咗蛋」。
相關閱讀：黑雨返工！鰂魚涌港鐵站變碼頭千人被困「望洋興嘆」 打工仔直擊：賤過地底泥！
港鐵即時跟進滅蟲工作
港鐵就事件回覆《星島頭條》查詢時表示，港鐵公司致力為乘客提供清潔衛生的乘車環境，除了車站的日常清潔消毒，亦會定期進行防治蟲鼠的工作。
鰂魚涌站近日沒有接到乘客的相關報告，但早前留意到網上有關片段後，已即時採取跟進，包括安排該站特別是月台相關位置，進行深層清潔及滅蟲工作，稍後亦會再次進行全面消毒。車站會繼續密切留意有關情況。
資料來源：citymun1037＠Threads
相關閱讀：搭港鐵屯馬線遭「怪蟲」咬腫 港女揭最疑似真身：帶返屋真係死硬 港鐵回應教咁處理↓↓↓↓
今年9月，有港女搭港鐵屯馬線遭一隻啡色「怪蟲」咬，其手臂部位皮膚即時紅腫，怪蟲最疑似真身其後曝光震驚網民，女事主表示：「依家好驚......一帶返屋就真係死硬。」↓↓↓↓
