方榮記$38沙爹牛爆紅！即叫即炒性價比高 網民熱議 「向現實低頭」負責人咁回應...
發佈時間：19:33 2025-10-09 HKT
牛肉專家方榮記「向現實低頭」？九龍城火鍋老字號名店「方榮記」，一向以其招牌菜和傳統風味聞名，價格不菲。但近日其$38午市特價餐卻在網絡上爆紅，不少網民都對這家以天價手切牛肉著稱的食店，出現「平民化」價格感到相當意外。
天價牛肉馳名方榮記 大賣$38午市炒粉麵飯
有逾60年歷史的「方榮記」，一直以牛肉專家的稱號馳名，手切牛肉和沙嗲火鍋是其招牌，向來人氣鼎盛，吸引不少名人及內地旅客慕名前來。儘管其價格不菲，仍晚晚爆場。網民普遍對其印象是價格不菲，例如一碗頂級牛肉米粉索價$250，而極品牛肉皇更需$2500一客。方老闆曾於訪問中表明「所謂有麝自然香，我不會理會他人。」
不過近日，方榮記卻在網上因其午市特價餐而聲名大噪。不同網民相繼在 Facebook 群組「香港茶餐廳及美食關注組」分享，有網民稱讚「午市特價沙爹牛肉米粉，牛肉腍沙嗲汁有花生粒，好味」。另一網民也表示「方榮記 $38 好抵食喎！即叫即炒、好多人 11:45am 已經坐滿」。從網民上載的照片可見，$38的炒粉麵飯非常足料，餐牌亦有多項選擇，乾炒牛河、五香牛腩飯、沙嗲牛麵等應有盡有，而且一律同價兼免加一。
網民反應熱烈：咁抵冇得輸
這一發現迅速在網上引起熱烈討論，不少網民對「方榮記」推出如此實惠的午餐感到驚訝，紛紛留言「咁平？」、「等我都去支持下」、「$38冇得輸啦。」更有網民質疑「方榮記咁平？係咪第二間方榮記嚟」，並好奇「咁抵，唔係食個沙爹牛炒大光麵都收188蚊嘅咩」。部分網民認為這是「方榮記都應該向現實低頭了」，認為是市場競爭下的結果。
然而，亦有網民指出午市特價餐「一向都係呢啲價」，甚至表示「幾十年前都有午市特價餐牌」，強調「188不嬲都仲有，呢個38亦都賣咗好多年，根本就唔關係」、「一向兩個餐牌同時存在」。有熟悉該店的食客指出，「方榮下晝嘅飯同麵不嬲都抵食，20幾年都係一樣無變，係打邊爐食唔起」。
方榮記負責人：木屋仔年代已經有
《星島頭條》就此聯絡方榮記，負責人回應指，午市特價餐牌一向存在：「我阿爸嗰代已經有，由木屋仔年代幾蚊做到依家$38」，並解釋「這個餐牌賣到2pm，同茶記一大盤整好嘅唔同，係逐碟逐碟炒，所以大家會覺得好食啲」。
至於大家印象中的貴價餐牌，是午市後的價格。負責人又透露，午市的沙嗲牛除了牛肉不同，沙嗲汁亦跟晚市的打邊爐湯底有分別。最後負責人強調：「我地就唔做宣傳嘅，都係做街坊生意，啲人識欣賞就會黎，網上讚定彈嗰啲我地都唔理㗎喇」，表明其一貫的經營態度。
圖片來源：香港茶餐廳及美食關注組@Facebook
早前報道：九龍城方榮記天價沙嗲牛肉大光麵索價$1XX 網民嚇傻：係唔係台幣？ 附大光麵各區供應+零售點
