W姓大胸女歌手被爆做小三床上勾引功力深厚爆料者：呻吟似唱歌劇 11大線索引人估：曾唱主題曲

更新時間：16:30 2025-08-27 HKT
發佈時間：16:30 2025-08-27 HKT

網台節目《情感關注組》近日接獲一名跨性別人士的分享，他表示未變性前是女性，亦是一名同性戀者，曾有位拍拖8年的女朋友，但期間他共出軌七次，對象有女模、女歌手及台灣啦啦隊成員。他分享到，曾與一名女歌手發展，更大爆對方床上勾引功力深厚：「呻吟似唱歌劇。」這位被「𡁻完唱」女歌手的身份引起網民熱烈討論。

女歌手曾於十多歲時唱主題曲成名

受訪者以致電方式在節目中向主持Dada及子羽分享，他在做變性手術由女變男前，已多次偷食不同女士，當中包括一名女歌手。他分享：「佢係唱歌嘅，歌手……都叫大波，其實我唔係好鍾意大波，但唔知點解揀咗佢。有唱過一啲主題曲係為人皆知，佢最初出道嗰首歌……十幾歲左右，（年齡）唔係大嘅。之前有新聞係話，佢同個歌手有argue（爭執）。」主持及監製即場點出幾位女歌手，包括林欣彤、JW王灝兒、衛蘭，但都遭到受訪者否認。

受訪者：佢都幾姣

受訪者繼續提供更多線索，他說：「佢本身應該唔係TVB，佢有拍過啲廣告係女性用品，個姓頭一個英文字母係W。主持人Dada說出一個名字但被消音，網民由口型猜測她說的是「黃心穎」，但遭子羽反駁：「咩呀？邊係歌手。」但Dada指出：「佢冇講嘢喎！」但其後受訪者亦否認：「唔係唔係！」並分享有關Ｗ姓歌手身份的線索：「佢都幾姣，即係可能連登嗰啲都話佢幾姣。而家都仲活躍嘅，我記得最近係有一首主題曲係有佢份……定唔知片尾曲，唔記得係咪TVB，但佢以前好似唔係TVB嘅，佢係跟一間唱片公司嘅。」最後受訪者公開W姓女歌手的身份，但播出版本被消音，答案令主持人Dada非常驚訝。

相關閱讀：王晶大爆張國榮墮樓真相 3大原因致巨星隕落內地富商出事入獄竟成關鍵？

Ｗ姓歌手主動求愛甘做第三者

受訪者指之前沒聽說Ｗ姓歌手是同性戀，而他與Ｗ姓歌手是由朋友介紹認識，發展約幾個月便分手，他說：「當時我同朋友喺酒店飲嘢，佢咁啱喺附近，佢咁啱喺附近做完嘢，就見到我IG post咗同個朋友飲緊嘢，個朋友呢就佢唔識嘅，但佢就知我喺嗰頭，佢識我，就話上嚟酒店飲返杯，我話要等朋友走咗先，個朋友唔識佢，同埋當時都佢出出哋名。」受訪者表示當時沒打算與Ｗ姓歌手發展，純粹欣賞她的歌聲。他說：「通常飲咗酒就嚟料啦，佢飲醉咗，就攤咗喺床，我話『你走唔走，走我幫你call的士，一係我落去行吓，如果上嚟你瞓咗我咪行開囉』。」但Ｗ姓歌手要求他不要走，更稱自己不關心，想對方陪她，「我話唔好，我話我都仲係好愛我女朋友，佢話佢知，佢話『我都唔緊要』，我話雖然知佢鬼妹仔性格，但我唔係，佢仲繼續呢啲行為，我又衰嘅，忍唔到，又搞咗啦！」

相關閱讀：李修賢爆黃依汶爸爸情史曾與樂壇天后有一段情與大傻有親戚關係：係兩老表

Ｗ姓歌手被指呻吟聲大

受訪者表示後來與Ｗ姓歌手發展過一陣子，但由於對方是明星，而他當時亦有女朋友，認為自己「搞唔掂」、「好辛苦」，加上對方時間難遷就，於是主動提出分開。受訪者大爆Ｗ姓歌手的床上表現：「咁多個出軌對象綜合晒嚟講，佢哋每個都會同我啲朋友講，我搞嘢幾勁囉！可能手指有力掛，唔知……可能當時佢都好細個，對比佢年紀嚟講（性）經驗都係豐富嘅，但我又未去到覺得好正，因為其實我唔鍾意嗰啲嗌到……呻吟呻到乜咁嗰啲女仔，Disneyland啲friend囉，公主類型。」主持Dada形容：「似唱Opera？」受訪者說：「係。」