50萬買40年樓齡公屋划算？單位曾3次甩手掌大石屎 事主陷兩難：唔買要搬1人單位｜Juicy叮
發佈時間：10:48 2025-08-27 HKT
有住上水公屋網民對於是否購買現居住單位陷兩難，事主住上水天平邨，40年樓齡，天花板甩過3次手掌大的石屎，該單位逾300呎，經租置計劃購買，樓價僅需40至50萬元。
事主擔心維修費用，但他似乎是寬敞戶：「唔買就會迫遷去一人單位，仲要交倍半租，間屋超細咁。」為此猶豫不決，帖文引發熱議，詳情如下：
50萬買40年樓齡公屋划算？單位曾3次甩手掌大石屎 事主陷兩難：唔買要搬1人單位↓↓↓↓
有網民在「公屋討論區 - 香港facebook群組」FB專頁發帖表示，他住在上水太平邨一個逾300呎的單位，該公屋約36年樓齡，「天花板甩過3次手掌大既石屎，間屋好殘，仲值唔值得買 ！？......價錢折扣完應該4/50萬左右......」
據房屋署資料，太平邨屬可供購買的租置計劃屋邨，首年售出時的大約折扣率約51%至55%。
事主：「一開始無買，而家係迫在眉睫」
樓主憂慮單位殘舊，雖然樓價僅約40至50萬元，但若購置可能要花大筆錢去做維修：「40年公屋，唔知幾時會搞大維修。」
最令樓主感頭痛的時，他現正急於要作決定是否購買，因為「唔買就會迫遷去一人單位，仲要交倍半租，間屋超細咁」，他說搬去的一人單位「通常得150呎」，換言之，和現時比面積可能少一半。
他現正陷兩難處境：「一開始無買，而家係迫在眉睫，自住嘅話一直租先係最理想，咁舊嘅單位，買咗又要室內維修，大廈大維修又唔知幾時，好煩。」據街坊留言憶述，2000年太平邨350呎單位，當時「政府賣11萬幾」。
樓上種花致漏水 房署已執修
樓主又謂，單位曾三次甩石屎，主要起因「就係樓上問題，佢種花，樓上戶主收到滲水信張d盆栽放晒走廊......房署幫我補返咁」。
帖文引發熱議反應兩極，有網民擔心樓上住戶引起的滲水問題仍未解決，現在購買手尾長：「有漏水就最好唔好買，反而甩石屎仲可以諗！」
網民反應兩極：年過半百就免了
有網民分享親身經歷勸樓主別買：「但係先要知道跌石屎既原因，如果係樓上影響既話就唔好買，因為我就係咁，早幾年攞咗筆錢裝修，已經又有大規模裂痕。」「唔好買啦，整完無用，我都幾後悔買咗。」
有網民認為若樓主年輕可考慮買，但若「年過半百就免了」，「已經拼博了前半生，後半生該對自己好D，留D錢好好逍遙快活。」
已買公屋網民分享經驗：一定買
不過，有已購買太平邨單位的網民，則力撐事主購買，認為上水太平邨近東鐵交通方便，而且40年樓齡在港比比皆是，不算太舊，加上價錢吸引：「50萬，超過300尺，40年樓，上水有東鐵，如果經濟冇問題，一定買。」
這位網民購買後花了40萬大裝修，坦言現在住得「好舒服，買嘢好方便」，「40年嘅公屋有好多，唔算太舊，用40萬大裝修，就算外圍要维修都唔會夾太多錢，因為戶數多，每戶平分唔會太貴。」
「買樓同人生一樣睇彩數」
有網民亦支持事主由租轉買，認為可把握機會做業主：「幾殘舊嘅屋都係自己物業。好過你住公屋......講真，預幾萬蚊出來維修保養，都好過你住公屋。香港300呎以上，50萬自己做業主，都算小有成就。」
有網民亦認為漏水問題可以維修解決，不用過份憂慮：「私樓好多都有漏水樓！買樓同人生一樣睇彩數。」「40年唔太舊，大把舊樓都有人買。」
有網民則建議樓主搬一人單位，日後轉買綠置居：「唔買，搬咗細，如果有錢再等機會買綠置居。」「買咗維修費條數好金，唔買都只係住細啲啫。」
同場加映：380呎新公屋換283呎啟德居屋！公屋女已付13萬訂驚後悔 網民：1原因值得「大換細」↓↓↓↓
