母恨食大班冰皮月餅 孝順仔擬千元購「過期貨」：內心非常掙扎 後續更狂惹爭議｜Juicy叮
發佈時間：14:04 2025-08-27 HKT
首創「冰皮月餅」的「大班麵包西餅」已全線結業，中秋節將至，有港男在網上發帖表示，母親「呻話今年無得食大班冰皮月餅，日日喺度『哦』我」，港男稱「為咗盡孝道」，在網上找到了索價由數百元至千元的「絕版大班冰皮月餅」，但多數已過期。
他糾結於是否購買，坦言「內心非常掙扎」，帖文掀起熱議，港男其後透露後續考慮的處理方法，更自信「應該有得諗」，詳情如下：
母恨食大班冰皮月餅 孝順仔擬千元購「過期貨」：內心非常掙扎 後續更狂惹爭議↓↓↓↓
首創「冰皮月餅」的「大班麵包西餅」在今年6月全線結業，有網民在社交平台發帖表示，母親恨食大班冰皮月餅，「老媽子呻話今年無得食大班冰皮月餅，日日喺度『哦』我」。
他表示「為咗盡孝道」四出找尋，居然在網上交易平台Carosell「見到純度100%嘅絕版大班冰皮月餅」。他上載多張截圖，看到有人透過平台出售大班冰皮月餅，月餅描述標明「絕版」，每個開價分別為400元及1000元，味道為芒果及楊枝金露。
大部分賣家已標明這些月餅「已過食用日期」，另一些賣家則未有特別標示食用日期，但估計均已過期。樓主表示：「見到又純，又絕版嘅貨，內心非常掙扎」，因為他擔心母親食用過期月餅有健康風險：「到底食完之後，我媽子會唔會直奔月球見嫦娥。」
他非常糾結：「買，遇是不買？」希望網民給與意見。
憂「 絕版」冰皮月餅已過期：我媽子食完，會唔會見嫦娥
網民紛紛留言呼籲樓主不要買，應勸其母親面對現實：「買一個少一個，始終會有一日無得食，早d面對呢件事啦。」
網民指目前仍有售的大班冰皮月餅肯定都已過期，進食一定有損健康：「我一定唔會買！首先佢D月餅，肯定起碼喺上年嘅貨，仲要唔知中途佢究竟點樣保存？」「食咗直頭會變嫦娥。」
網民又對於過期大班冰皮月餅竟然賣最少400元，甚至上千元大感詫異：「點解過咗期都$400？」「如果佢（樓主母親）知道你$400買一個月餅，實剷Ｘ到你上月球做嫦娥。」有網民反諷樓主：「買，等多下可以入博物館，極具升值潛力。」
食安中心：冰皮月餅微生物風險較高
樓主有留言逐一回覆網民，他坦言大班冰皮月餅消失，在他的家中會「變咗同『生日快樂』一樣，每年都要聽我阿媽講一次」。他又幽默地回應「用$400買一個過期月餅毒害阿媽」的指責，搞笑地說：「如果我真係買，俾佢食嘅時候我會提前拆咗個包裝先，唔俾佢見到個生產日期。」
樓主其後又留言表示找到一款貓山王味道的大班冰皮月餅，該款月餅在交易平台開價每個500元，賣家聲稱「一直冰箱儲存」，食用日期已過近一年，最後食用期為2024年10月2日，樓主說：「我諗買呢一隻請阿媽食應該有得諗，臭咗唔多覺。」但他最後是否真有付諸實行，則未有再交代。
食物安全中心的資料顯示，月餅在製作過程中經高溫烘焙，可消滅所有存在的細菌。但製造冰皮月餅時則毋須經過此項程序，因此冰皮月餅的微生物風險會較高。
由於冰皮月餅容易受細菌感染，且必須全程冷藏，若儲存不當（如放在室溫超過4小時），病菌會大量繁殖，引發腹痛、腹瀉等症狀。即使外觀正常，過期的冰皮月餅也可能帶有沙門氏菌或金黃葡萄球菌等致病菌，不宜食用。
來源：chillypepper2024＠Threads
同場加映：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
