75歲羅浩楷終現真身 外貌不敵歲月出現重大轉變 更換電動輪椅密謀做一事
發佈時間：18:30 2025-07-24 HKT
70年TVB金牌「扮嘢王」羅浩楷因健康問題，在2015年完成劇集《東坡家事》未有亮相幕前演出，近年鮮有現身人前，直到早前在FB群組「90年代回憶（新版）」上，有網民出po指聽聞羅浩身體不太好，有人更說：「最近德福見過，一個人坐輪椅，冇咩精神。」羅浩楷早年曾在好友鄧英敏的YouTube頻道《老友鬼鬼》的訪問上表示被疾病纏身，當時因頸椎問題未能坐直身體：「其實一直都搵唔原因，冇得搞。」
羅浩楷外貌蒼老了不少
事隔多年，羅浩楷再接受鄧英敏的訪問，他坦言10多年前發現患上柏金遜症，再加上行動不太方便，自言「唔知幾想死」。羅浩楷昨日（23日）在鄧英敏的邀請下終極現身，久違了的羅浩楷外貌蒼老了不少，但幸好中氣十足，與鄧英敏對答如流，兩人到觀塘一間輪椅店試輪椅，言談間透露了一個夢想，原來與音樂有關。
相關閱讀：羅浩楷證實患柏金遜症 無法走路自覺病後樣子難看心灰意冷：唔知幾想死
羅浩楷對上一次現身是2021年的事
75歲羅浩楷對上一次現身已經是2021年的事，當時他接受鄧英敏的網上節目訪問，當中提及身體狀況。羅浩楷在2004年拍《皆大歡喜》時，期間因大動脈閉塞致心絞痛，幸當時撿回一命，到了2016年，羅浩楷一覺醒來突然發現腰骨無法挺直，原來是椎間盤突出，接着再因頸椎長期受壓致彎曲，需要要長時間戴着頸箍，嚴重時一度要坐輪椅，幸好經過長時間治療，其頸椎問題得已改善，但一年的醫療費約為一百萬元，幸好多年來投資有道，可以應付醫療費用。
神隱多年的羅浩楷終於現身
直到早前在FB群組「90年代回憶（新版）」上，有網民出po指聽聞羅浩楷身體不太好，有傳媒找上羅浩楷，羅浩楷承認10多年前確診患上柏金遜症，近年情況轉差，手腳活動能力唔多好，現時出入要以輪椅代步，日常生活由太太同工人打點，羅浩楷對未來亦不敢抱太大期望並說：「我而家分分鐘有病唔醫㗎嘞，我都唔知幾想死！」神隱多年的羅浩楷終於現身，昨日出關與鄧英敏試輪椅，雖然羅浩楷本身已經有6部輪椅，他笑說：「 因為我想勁、靚啲、高大威猛啲，咁先襯得起你嘛，敏哥。」
相關閱讀：「扮嘢王」羅浩楷近況曝光！被爆身體狀況惹人擔憂 曾患頸椎病飽受病魔折磨被逼息影
羅浩楷希望舉行音樂會
原來羅浩楷希望舉行音樂會，所以先挑選一部電動「戰車」，談到演唱會的內容，羅浩楷說：「我會唱《李香蘭》，我大佬係玉置浩二，我叫玉置浩楷。」鄧英敏稱目前為音樂會物色地方：「我哋想喺短期內搵一個細細地嘅地方，以歌會友，可能係60人左右，做得好就做多幾場。」不過羅浩楷未有計劃邀請好友演出：「我自己唱，最多兩、三首。」鄧英敏又表示不少圈中好友為羅浩楷四出找醫生，但羅浩楷似乎未感興趣：「我覺得最好係睇吓有邊隻股票近來係好有前途， 我就會介紹畀你去黄大仙扶乩，睇吓得唔，得嘅話就會介紹畀啲觀眾，等大家執多少嚟飲吓茶。」
羅浩楷說話一貫精靈鬼馬對答如流
不過訪問期間羅浩楷出現疲態，幸好說話一貫精靈鬼馬，速度和反應對答如流，但他亦堅持說下去。片段播出後，有人說：「好似狀態好番好多噃，口齒清晰流利好多。祝楷哥早日康復可以為大家繼續表演繼續開心。」、「祝楷哥平安！看到他由頸椎彎了一邊，真的十分嚴重，楷哥唔好放棄，努力做多些拉筋和適量運動令身體重心移番左邊，這才能改善脊椎側彎。楷哥加油！」、「楷哥加油啊，敏哥楷哥EYT由細睇到大，帶過比自己嘅歡笑不絕，今日即使一句半句祝福，亦希望能反帶畀兩位一份歡慰，支持你哋。」
