龍婷8月西九文化區連開3場個唱音樂相伴走過人生高山低谷

更新時間：16:15 2025-06-27 HKT
發佈時間：16:15 2025-06-27 HKT

龍婷將於8月18至20日（星期一、二及三）在西九文化區自由空間大盒，舉行「龍婷《旅程》巡迴音樂會」香港站，在這三場音樂會中，龍婷以新歌及經典歌曲拼湊成一個又一個故事，講述她自己過去、現在和未來，與歌迷近距離分享她的音樂旅程。票價分別為$1080（可觀賞綵排環節及即影即有合照）和$880兩種，7月1日（星期二）早上10時起可於《鄰住買》優先訂票。

下半年繼續歌唱旅程

龍婷日前在她的個人社交媒體跟大家分享今次演唱會的特色，她說：「係（喺）今年年初1月2日，我發咗個帖話我要係2025年出去睇睇呢個世界。就係咁，我係2025年上半年將我嘅音樂帶到去海外嘅地方，包括美國拉斯維加斯和洛杉磯，加拿大多倫多和溫哥華，最近亦都去咗澳洲悉尼。我下半年會繼續呢個歌唱嘅旅程，一個需要大家支持我，同我一齊向前，克服種種困難嘅旅程。2025下半年旅程嘅第一站迎嚟我第6次個人演唱會，龍婷《旅程》巡迴音樂會香港站。」

感激「龍粉」陪伴

龍婷續說：「我選擇用旅程做今次演唱會名稱同主題，因為我嘅歌唱旅程和人生一樣，有高有低，但係不管怎樣，我都會同音樂一直行落去。今次巡迥音樂會香港站，都係旅程其中一站。相信旅程嘅每一站，我都會同歌迷創造出好多故事，就好似係過去7年，大家陪伴我，我才能一直行到今日，每一位龍粉（粉絲名稱），都同我經歷緊一個又一個嘅故事。我個人好期待係香港站呢個旅程，用歌曲同大家創造更多嘅故事。」

↓立即下載星島頭條App↓