李駿傑剛煞科《12怪盜》全力籌備演唱會會唱外語歌向吳林峰請教慳力唱方法

即時娛樂

更新時間：15:45 2023-06-02
發佈時間：15:45 2023-06-02

MIRROR成員李駿傑（Jeremy）今日出席將於8月30日舉行的《網上行夢想系MOOV LIVE JEREMY 》記者會，約100名「Unicorn」（粉絲暱稱）拿著應援物品到現場叫口號及送上鮮花。會上公佈Jeremy為了今次音樂會拍攝了兩款造型海報，以「稜鏡」為靈感象徵Jeremy 多樣面向，而Jeremy亦透露會在騷前推出新歌。

對於首次開個人騷，Jeremy指等了很久，但心情卻有點驚：「之前做咁多次演唱會都係同11個兄弟一齊做，佢哋做緊嗰時我有得唞，而家我要唱晒成個Rundown 都要練吓，而家跑步練氣，因有好多part跳唱。」問到會否找兄弟做嘉賓？他指暫時仍未決定，但亦沒有人敲門自薦。Jeremy 指音樂會前期已做好，至於排舞、歌衫方面則仍在編排，而造型方面Jeremy就表示要保持神秘感，不過他預告到時除了唱自己歌外會唱其他語言的歌曲，亦會跳一些Man點的歌，至於騷肌，Jeremy就指努力中，但笑言現時零腹肌，所以已放棄該部位，到時可能騷手臂。

Jeremy又謂今早《12怪盜》剛煞科，現時除了要拍MIRROR的綜藝節目外，其餘時間可以專心準備音樂會，他又指早前曾向吳林峰請教，對方也有教他如何慳力地唱，飲食上，現時也要吃得清淡減脂肪。問到Jeremy 今次如果做得好，是否希望公司可為他快點開個人騷？他說：「認真嘅，我其實真係冇諗住咁快開，就正如我話花姐send message俾我嗰陣，我都以為佢send錯，我都冇諗過咁快，佢同我講嗰陣係今年年頭，我只出咗三首歌，點開個人音樂會？但如果有個咁嘅機會，點解唔把握一個好嘅機會，畀大家睇到我值得。（係咪因為有呢個騷，所以公司先至唔安排你開個人演唱會？）唔知，呢個係公司安排，我都冇認真問，當我知道有騷我已經好開心，有冇都好，我都未覺得自己今年要有嘅，始終其他兄弟都solo咗兩三年，佢哋多我好多歌又多我好多經驗，畀我開騷係更加着數同更加容易，我去支持已經好開心，今日有自己音樂會真係真係一個bonus。（唔怕等？）唔怕，最緊要係堅持，堅持就要等。」