元朗小巴勁貼8張告示 禁乘客帶榴槤上車 網民爆大媽「違規」超慘下場｜Juicy叮
發佈時間：11:06 2025-05-09 HKT
又到榴槤飄「香」時，有人歡喜有人愁。為迎接榴槤季節，有紅色小巴司機似乎早有準備，在車窗左左右右貼上8張「請勿攜帶榴槤」的告示。網民於是大爆，有大媽曾經因為「違規」而得到超慘下場。詳情見下圖及下文：
元朗小巴貼8張告示禁乘客帶榴槤上車逐張睇↓↓↓↓
小巴車窗貼禁榴槤圖樣字句
樓主早前在社交平台Threads以「Feel（感覺）到小巴司機有幾憎榴槤，前前後後貼咗8張告示」為題發帖，相中的小巴車窗都被貼上禁榴槤的圖樣和字句。
有網民認得現場為元朗。根據街景實為康樂路往來元朗至屯門線的小巴站。此情此景，有人打從心底發出9個哈字「哈哈哈哈哈哈哈哈哈」。有網民和應樓主指「討厭榴槤味的車內聞到真係會想嘔、窒息、同頭痛」。
有人則笑稱「可能係聞到會太想食，唔可以專心揸車」，獲知情者回覆「有創意，但係個司機係唔食㗎」；另有街坊表明「呢架（小巴）見過」。
網民爆帶榴槤上車下場慘慘
對於有網民留下戰書，揚言「咁我就有興趣喇，下次有咁嘅機會，必須帶一袋榴槤上車」，樓主以自身經歷告戒勿以身試告示，因「真係會趕你落車㗎，我試過」。有網民於是爆出另一乘客的類似經驗——
「試過夜晚喺（屯門）置樂，有個阿姐帶個榴槤上呢架小巴，佢扮曬嘢坐喺最尾嗰行，我就坐喺司機位後面嗰行，成架車得我同佢同個司機。開頭都無嘢，去到屯市一個dup（煞）車，個阿姐個榴槤由最尾嗰行碌咗去最前，撞到我隻腳，陣味湧咗岀嚟，即時比個司機叫佢執返個榴槤落車」。
有好心網民則提出折衷建議，「我唔食的，坐巴士聞到仲慘，我即帶口罩加hand cream（潤手霜）頂到40分鐘車程……或者試下開件，用密實盒裝再包保鮮紙先上車。（我家人食的，平時用盒裝，雪櫃未有事）」。
相關閱讀：樹上採割如天降狼牙棒 工人搵命搏 榴槤「都市傳聞」聽過未？
打工仔榴槤尷尬事
還有網民轉載了近日一則涉及打工仔的榴槤尷尬事帖文，當中的樓主指：「是咁的，小妹噚日Lunch（午餐）去行咗轉超市，見到有半價榴槤，忍唔住手買咗返公司雪住先。點知大頭蝦，完全唔記得攞。今早同事開始聞到，然後而家雪櫃貼咗『No durian（沒有榴槤）』告示」。樓主補充，「我用咗幾層紙包著㗎，點知都係咁大陣味」。
另有網民留言補充榴槤的威力，稱「食過有糖水鋪將啲榴槤甜品同其他擺喺同一個雪櫃，食乜都會淡淡哋聞到陣榴槤味」。
資料來源：isannieau＠Threads
相關閱讀：代客拆肉｜奸商疑私藏榴槤肉斷正 顧客挺身揭詭計 網民：差點蝕幾十蚊↓↓↓↓
當造的榴槤一向難開兼易弄傷手，攤檔參考「代客泊車」，近年紛提供「代客拆肉」服務，但消費者可得當心有奸商趁機偷工減料，懷疑偷偷藏起一楷半楷榴槤肉自肥，口袋內的幾十元便白花了↓↓↓↓
