華仔想四大天王合體演出
發佈時間：03:00 2025-01-12 HKT
劉德華前晚在紅館舉行最後一場《今天… is the day》演唱會，獲一眾圈中朋友及城中名人力撐，包括TVB行政主席許濤夫婦、吳君如夫婦、炎明熹、張繼聰與太太謝安琪、Gin Lee、甄珍、錢嘉樂夫婦、文化體育及旅遊局局長羅淑佩等。
華仔每晚都會跟歌迷勾手指，叫歌迷說「我願意」，笑指歌迷是「劉太」，而前晚尾場有歌迷大叫「畀家用！」華仔聞言笑說：「畀家用？我養你哋囉！反正都係喺你哋身上呃返嚟，哈哈！」由於華仔早前的上海演唱會、在升降台做滑跪動作時滑出舞台邊緣，險生意外，而早前於紅館再出現驚險畫面，這晚此環節終於作出修改，華仔在3米高台上跑了幾步，先停下才跪地，確保安全。之後華仔演唱《心只有你》時感觸眼泛淚光，唱完《你是我的女人》後更依依不捨流淚，用手抹鼻。安哥時，華仔不時眼濕濕，並表示需要平伏一分鐘，二度安哥獻唱3首歌後，他向全場觀眾大叫「我愛你們！」
太太在場好安心
完成共72場巡迴演唱會，華仔表示好想繼續開落去，但又擔心，眼見工作人員都好辛苦，又擔心自己身體等各樣狀況，而今次出奇地暢順，若再繼續會以另一種形式和大家見面。談到尾場是否喊得最多？華仔表示不是，反而剛開始演唱會時，每日擔心身體狀況，壓力較大易感觸。他又說自己的不小心令人擔心，經過幾次已覺得自己就算小心、但都有少少意外出現，因此修改危險動作，讓大家安心欣賞演唱會。被問有否被家人話？他笑說：「少不免。（被女兒話？）唔係。（太太？）佢比較擔心。（太太在場有壓力？）冇壓力，佢在場我會好啲。（她看了多少場？）72場。」華仔又指女兒睇騷後有很多評語，每日都提醒他，例如跳錯舞。此外，他坦言今次表演是最舒服、放鬆和享受的一次，如常給予自己的表現70分。完成巡演後將休息一段時間，農曆新年陪家人去旅行。
對於有議員提議邀四大天王在啟德體育園舉辦演唱會，華仔即說：「4個一齊？我想呀，真係想！我哋始終係一個年代嘅表演，如果4個可以一齊喺嗰度表演係一件盛事。」
