被催毀的假期｜海南島

眼睛去旅行

旅遊網誌作者|每一個旅程, 都總藏著不同的"秘密"

2022-04-06 08:30 HKT

生活專欄

內容

小編都話每一個旅程都係一種經歷一種回憶架啦......上個月小編見天氣好又開始熱，打算假日出去行吓嘅時候，政府就宣佈要封海灘，突然記起之前嘅掃興之旅。

話說有一年小編打算去追逐夏天的尾巴，咁就同友人去咗海南島諗住嘆下世界放鬆下心情。當日小編同友人帶住愉快嘅心情喺非常好嘅天氣下出發去海南島，到達之後即刻去預訂咗嘅酒店check in，放低行李後就落去周圍行下，之後出咗市中心食晚餐，幾咁美好嘅一個旅程。點知天有不測之風雲，就喺我哋第二朝起身嘅時候發現有颱風迫近，唉......之後越來越大風，就連想去lobby飲杯嘢都比啲風吹到坐唔穩，唯有返上房啦......

因為呢個只係短trip，所以當颱風過後已經要準備收執行李返香港lu，臨上機前小編重同不斷抱怨嘅友人講：算啦，海南島出名颱風多，我地有幸可以親身感受嗰種風力咪當係另一種體驗囉，唔係咁多人有機會感受架。之後兩人雙雙大笑。

人生中往往好多事雖然不似預期，亦唔喺自己能力範圍控制之內，但小編可以肯定嘅係，好多嘢都會令我地印象深刻、唔會忘記。各位加油呀！一有機會我哋就可以..................................飛！！

#海南島 #三亞 #颱風 #不似預期 #唔好放棄 #一定重有機會 #加油 #Hainan Island #Sanya #typhoon #Unexpected #never give up #chance always available #effort