被催毁的假期｜海南岛

眼睛去旅行

旅游网志作者|每一个旅程, 都总藏著不同的"秘密"

2022-04-06 08:30 HKT

阅讀更多

生活专栏

內容

小编都话每一个旅程都系一种经历一种回忆架啦......上个月小编见天气好又开始热，打算假日出去行吓嘅时候，政府就宣布要封海滩，突然记起之前嘅扫兴之旅。

话说有一年小编打算去追逐夏天的尾巴，咁就同友人去咗海南岛谂住叹下世界放松下心情。当日小编同友人带住愉快嘅心情喺非常好嘅天气下出发去海南岛，到达之后即刻去预订咗嘅酒店check in，放低行李后就落去周围行下，之后出咗市中心食晚餐，几咁美好嘅一个旅程。点知天有不测之风云，就喺我哋第二朝起身嘅时候发现有台风迫近，唉......之后越来越大风，就连想去lobby饮杯嘢都比啲风吹到坐唔稳，唯有返上房啦......

因为呢个只系短trip，所以当台风过后已经要准备收执行李返香港lu，临上机前小编重同不断抱怨嘅友人讲：算啦，海南岛出名台风多，我地有幸可以亲身感受𠮶种风力咪当系另一种体验啰，唔系咁多人有机会感受架。之后两人双双大笑。

人生中往往好多事虽然不似预期，亦唔喺自己能力范围控制之内，但小编可以肯定嘅系，好多嘢都会令我地印象深刻、唔会忘记。各位加油呀！一有机会我哋就可以..................................飞！！

#海南岛 #三亚 #台风 #不似预期 #唔好放弃 #一定重有机会 #加油 #Hainan Island #Sanya #typhoon #Unexpected #never give up #chance always available #effort