旧式旅行团
旅游网志作者|每一个旅程, 都总藏著不同的"秘密"
2022-04-04 08:00 HKT
字体大小
谂谂下，无理由人生嘅第一次旅游只系记得2个地方，小编好努力回带，虽然记起嘅依然唔多，但由一个魔鬼鱼手袋开始回复返小小记忆。其实唔知大家有无参加过啲旧式嘅旅行团呢？
小编第一次去旅游已经系好耐好耐之前嘅事喇 (唔系因为小编年纪大，只系当年非常年轻咋)。关于旧式嘅旅行团，因为当时旅行未系大流行嘅活动，而且有好多地方未全力开发旅游事业，所以选择唔算多，同埋多数都系一啲国家级嘅景点 (即系购物团)。
头先讲到点解我会由一个魔鬼鱼手袋而记返起呢？系因为同行旅伴 (即系我妈妈) 买咗个魔鬼鱼手袋！当年换算返都要成$2XXX港币，所以我谂谂下记得 (因为感觉实在太贵......)，更何况喺𠮶度我连一条魔鬼鱼都无见过啰......只系得啲银包、手袋、皮带同所谓嘅宝石。妈妈仲买咗2粒「猫眼石」畀我，话用嚟镶耳环。到我大咗先知原来喺马路一街都系……除咗呢个「购物景点」之外，亦都去咗毒蛇研究中心同鳄鱼潭。毒蛇研究中心有毒蛇睇，有啲表演，但实际上都系一个购物景点，买下啲保健药咁啦。而鳄鱼潭都系一样，有鳄鱼睇，可以用只鸡钓下鳄鱼，又系有表演睇，最后当然唔少得都系买吓手袋、皮带同鳄鱼肉。
可能大家会问：有无人会买？ 当然有，始终当年社会同经济上无咁方便，好多嘢唔同依家喺香港都可以买到，所以都好多团友买架。
大家又有无去过呢啲地方呢？ 又或者呢啲地方衣家系咪已经同以前唔同晒呢？ 欢迎分享一下。
#泰国 #旅游回忆 #旅游分享 #旅行团 #毒蛇研究中心 #魔鬼鱼 #鳄鱼潭 #游泰国 #Thailand #travelmemories #travelsharing #tourgroup #snakefarm #devilfish #crocodilepool
最Hit
消委会冷气机推介｜12款窗口机获高分 悭电/制冷/抽湿同样出色！详解变频式/定频式/匹数分别 即睇1匹+匹半+3/4匹与呎数对照
2026-04-06 15:41 HKT
红磡广场沦为「死场」？网民热议商场风光不再 全靠这类店舖撑起...
2026-04-06 16:30 HKT
剥烚蛋壳总黏蛋白？即学3招秘技蛋壳一剥必成功 烹煮前简单1步不黏壳
2026-04-06 12:00 HKT
更多文章
