舊式旅行團
旅遊網誌作者|每一個旅程, 都總藏著不同的"秘密"
2022-04-04 08:00 HKT
字體大小
諗諗下，無理由人生嘅第一次旅遊只係記得2個地方，小編好努力回帶，雖然記起嘅依然唔多，但由一個魔鬼魚手袋開始回復返小小記憶。其實唔知大家有無參加過啲舊式嘅旅行團呢？
小編第一次去旅遊已經係好耐好耐之前嘅事喇 (唔係因為小編年紀大，只係當年非常年輕咋)。關於舊式嘅旅行團，因為當時旅行未係大流行嘅活動，而且有好多地方未全力開發旅遊事業，所以選擇唔算多，同埋多數都係一啲國家級嘅景點 (即係購物團)。
頭先講到點解我會由一個魔鬼魚手袋而記返起呢？係因為同行旅伴 (即係我媽媽) 買咗個魔鬼魚手袋！當年換算返都要成$2XXX港幣，所以我諗諗下記得 (因為感覺實在太貴......)，更何況喺嗰度我連一條魔鬼魚都無見過囉......只係得啲銀包、手袋、皮帶同所謂嘅寶石。媽媽仲買咗2粒「貓眼石」畀我，話用嚟鑲耳環。到我大咗先知原來喺馬路一街都係……除咗呢個「購物景點」之外，亦都去咗毒蛇研究中心同鱷魚潭。毒蛇研究中心有毒蛇睇，有啲表演，但實際上都係一個購物景點，買下啲保健藥咁啦。而鱷魚潭都係一樣，有鱷魚睇，可以用隻雞釣下鱷魚，又係有表演睇，最後當然唔少得都係買吓手袋、皮帶同鱷魚肉。
可能大家會問：有無人會買？ 當然有，始終當年社會同經濟上無咁方便，好多嘢唔同依家喺香港都可以買到，所以都好多團友買架。
大家又有無去過呢啲地方呢？ 又或者呢啲地方衣家係咪已經同以前唔同晒呢？ 歡迎分享一下。
#泰國 #旅遊回憶 #旅遊分享 #旅行團 #毒蛇研究中心 #魔鬼魚 #鱷魚潭 #遊泰國 #Thailand #travelmemories #travelsharing #tourgroup #snakefarm #devilfish #crocodilepool
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
買彩票贏近2500萬元海景豪宅 幸運夫婦住半年「嫌太大」 決定放售套現換樓
2026-04-03 16:45 HKT
更多文章
