KellyChu - 麥當勞「至尊漢堡」闊別10年返嚟喇 連同滑嘟嘟席捲全城 | Executive日記
KellyChu
3小時前
字體大小
為慶祝麥當勞App積分計劃推出一周年，闊別十年嘅經典「至尊漢堡」昨日正式回歸，仲帶埋新朋友「至尊脆雞堡」一齊登場。麥當勞人氣IP「滑嘟嘟」亦加入慶祝行列，即日起推出一系列紫色主題美食同潮物，全部夢幻紫色爆燈，視覺同味覺都雙重享受！
「至尊漢堡」自2007年推出以嚟一直深受大家喜愛，係唔少人嘅美味回憶，Kelly都唔例外。今次回歸沿用100%安格斯牛肉，配搭新鮮生菜、番茄、酸瓜、爽脆洋蔥條同香濃芝士，再加入標誌性「至尊漢堡醬」，還原出當年嘅經典味道。全新「至尊脆雞堡」則選用外脆內嫩嘅原塊雞腿肉，配合相同新鮮配料同至尊醬汁，為大家帶嚟熟悉之餘又充滿新鮮感嘅體驗。
甜品控要注意喇！今次限時推出藍莓新地，以雲呢拿新地配上酸甜藍莓醬，口感清爽，果香四溢。經典香芋批都同步回歸，批皮香脆，內餡軟糯，啖啖都係懷舊滋味。全新巨峰提子波波梳打，結合濃郁提子風味同Q彈波波，清涼消暑又過癮。人氣王滑嘟嘟奶昔亦將以雜莓味搭配紫色主題限量杯登場。
除咗美食，麥當勞由7月8日起，分三階段陸續推出滑嘟嘟主題潮物，誓要掀起今個夏天嘅紫色穿搭熱潮！粉絲們記得mark實日子，搶先入手喇！
KellyChu
更多文章
