KellyChu - 首個東南亞推廣活動曼谷啟動 西九聯乘Butterbear 呈獻香港藝文魅力 | Executive日記
KellyChu
3小時前
字體大小
西九文化區積極走出去宣傳，於東南亞舉辦首個大型推廣活動「WestK in Bangkok」，其中與泰國人氣偶像Butterbear於曼谷知名購物休閒中心暹羅百麗宮（Siam Paragon）展開聯乘跨界合作，不但設置兩個「WestK x Butterbear」創意裝置供訪客沉浸式打卡，仲有集章活動可兌換限量版聯乘紀念品。活動透過呈現Butterbear喺西九嘅藝文之旅，帶領泰國觀眾探索西九精彩紛呈文化內容，推廣西九品牌故事。
「WestK in Bangkok」於本月6至12日舉行，除咗暹羅百麗宮嘅Butterbear聯乘活動，重點活動還包括泰國旅遊業界午餐會及商界領袖交流晚宴。西九文化區管理局董事局主席陳智思表示：「我們希望透過『WestK in Bangkok』，展示西九文化區發展成為世界級國際文化交流平台和文化旅遊目的地的宏大願景。」
陳智思指，西九毗鄰高鐵西九龍站和機場快綫九龍站，擁有超過50萬平方米商業空間，銳意成為香港嘅「文化核心商業區」（Cultural CBD）。西九首個公私合營項目－－總樓面面積約65000平方米嘅藝術廣場大樓，預計於2027-28年度完工。佢哋期望藉着喺曼谷嘅一系列活動，向泰國投資者展示西九文化區嘅商業機遇，誠邀參與呢個全球最大規模文化樞紐之一嘅發展。
KellyChu
西九文化區與Butterbear跨界合作，更有集章活動可換獨家紀念品。
