KellyChu - 麦当劳「至尊汉堡」阔别10年返嚟喇 连同滑嘟嘟席卷全城 | Executive日记
KellyChu
2026-07-07 02:00 HKT
字体大小
为庆祝麦当劳App积分计划推出一周年，阔别十年嘅经典「至尊汉堡」昨日正式回归，仲带埋新朋友「至尊脆鸡堡」一齐登场。麦当劳人气IP「滑嘟嘟」亦加入庆祝行列，即日起推出一系列紫色主题美食同潮物，全部梦幻紫色爆灯，视觉同味觉都双重享受！
「至尊汉堡」自2007年推出以嚟一直深受大家喜爱，系唔少人嘅美味回忆，Kelly都唔例外。今次回归沿用100%安格斯牛肉，配搭新鲜生菜、番茄、酸瓜、爽脆洋葱条同香浓芝士，再加入标志性「至尊汉堡酱」，还原出当年嘅经典味道。全新「至尊脆鸡堡」则选用外脆内嫩嘅原块鸡腿肉，配合相同新鲜配料同至尊酱汁，为大家带嚟熟悉之余又充满新鲜感嘅体验。
甜品控要注意喇！今次限时推出蓝莓新地，以云呢拿新地配上酸甜蓝莓酱，口感清爽，果香四溢。经典香芋批都同步回归，批皮香脆，内馅软糯，啖啖都系怀旧滋味。全新巨峰提子波波梳打，结合浓郁提子风味同Q弹波波，清凉消暑又过瘾。人气王滑嘟嘟奶昔亦将以杂莓味搭配紫色主题限量杯登场。
除咗美食，麦当劳由7月8日起，分三阶段陆续推出滑嘟嘟主题潮物，誓要掀起今个夏天嘅紫色穿搭热潮！粉丝们记得mark实日子，抢先入手喇！
KellyChu
人气IP「滑嘟嘟」亦加入庆祝行列，即日起推出一系列紫色主题美食同潮物。
最Hit
更多文章
