KellyChu - 3小學生救行山客獲記小功 事主康復親赴校園道謝 | Executive日記
KellyChu
2小時前
字體大小
香港人一向有愛，連細路哥都唔例外。長洲聖心學校3位小六學生大年初四（20日）行山時，偶遇一位跌親嘅行山客，唔單止幫手報警，仲陪住對方等救援、提供小食。事件喺網上傳開之後，唔少網民都大讚3位同學仔臨危不亂、見義勇為。姓李事主康復之後，前日仲特登去學校當面多謝3位「小恩人」。
學校得悉事件之後，即晚決定授予3個同學一個小功，以茲肯定。聖心學校校長黃良凱喺電台節目表示，記小功主要係表揚學生嘅善心，學校同家長都冇計較功勞大小。3位同學亦向校方表示，一開始冇諗過會得到咁多讚賞，對學校嘅肯定心懷感激。呢3位同學年紀輕輕已經樂於助人，認真抵讚！
黃良凱又透露，即使是好人好事，亦曾受到質疑，指不解點解3名小學生可以自行行山。佢話，學生喺長洲生活，行山就好似市區小朋友去商場或落街玩咁。不過，黃良凱相信，呢件事對學生嚟講係一次好好嘅應對訓練，希望可以幫助佢哋正向成長。
KellyChu
最Hit
