KellyChu - 3小学生救行山客获记小功 事主康复亲赴校园道谢 | Executive日记
KellyChu
2小時前
字体大小
香港人一向有爱，连细路哥都唔例外。长洲圣心学校3位小六学生大年初四（20日）行山时，偶遇一位跌亲嘅行山客，唔单止帮手报警，仲陪住对方等救援、提供小食。事件喺网上传开之后，唔少网民都大赞3位同学仔临危不乱、见义勇为。姓李事主康复之后，前日仲特登去学校当面多谢3位「小恩人」。
学校得悉事件之后，即晚决定授予3个同学一个小功，以兹肯定。圣心学校校长黄良凯喺电台节目表示，记小功主要系表扬学生嘅善心，学校同家长都冇计较功劳大小。3位同学亦向校方表示，一开始冇谂过会得到咁多赞赏，对学校嘅肯定心怀感激。呢3位同学年纪轻轻已经乐于助人，认真抵赞！
黄良凯又透露，即使是好人好事，亦曾受到质疑，指不解点解3名小学生可以自行行山。佢话，学生喺长洲生活，行山就好似市区小朋友去商场或落街玩咁。不过，黄良凯相信，呢件事对学生嚟讲系一次好好嘅应对训练，希望可以帮助佢哋正向成长。
KellyChu
最Hit
