KellyChu - 中环打工仔失「粮尾恩物」 「华记食店」本月底告别 | Executive日记
KellyChu
2小時前
字体大小
喺租金高昂嘅商业区，价廉物美嘅食店绝对系上班族救星。屹立中环士他花利街逾20年嘅「华记食店」，一直为顾客提供「粮尾恩物」三餸饭及煲仔饭，但近日在社交平台宣布将于本月底结业，熟客及网民留言表示不舍。
老板在帖文中表示「其实系唔舍得的」，他指舖头屹立中环超过20年，「一砖一瓦都有感情」。而结业主要原因是「年纪渐大，后继无人」。加上近年香港经济不景，「一间小小食店要撑落去，真系越来越难」。他感谢街坊多年来支持︰「舍得唔舍得，都要喺三月尾同大家讲声再见，在此亦多谢各位街坊多年嘅支持同厚爱」。
华记食店供应嘅三餸饭任拣三款小菜兼送例汤，又或是每日精选嘅碟头饭，同样只收$42，而冬天还有热焫焫煲仔饭，以及早前曾引起热话嘅$55蛇羹加糯米饭套餐，均深受食客欢迎，更被誉为「中环隐世大排档」。
KellyChu
更多文章
