KellyChu - 歌神張學友獻聲十五運 《水連天》唱大灣區情誼 | Executive日記
KellyChu
5小時前
字體大小
全運會賽事如火如荼，由「四大天王」之一、歌神張學友演唱（圖）嘅全運會開幕式粵語版主題歌《水連天》發布。張學友將一脈相連、一衣帶水嘅情感演繹得淋漓盡致，傳遞對十五運會以及參賽健兒嘅祝福。有學友加持，Kelly相信健兒們一定會突破界限，做出更好嘅成績！
《水連天》原曲為《天海一心》，由著名音樂家舒楠作曲、香港填詞人向雪懷填詞。張學友富有感染力嘅歌聲，更令舒楠忍唔住感動落淚，大讚張學友唱出佢作曲時最想表達嘅情感，仲話無諗過呢首歌可以被演繹到咁嘅境界。
十五運會開幕式總導演郎昆話，主題歌以「水」為中心意象，象徵粵港澳大灣區臨水而居嘅地理特點。粵語版歌詞亦描寫積水成淵、海天一色嘅美好畫面。正為巡迴演唱會奔波嘅張學友，喺百忙之中改詞、錄歌，只望能透過歌曲傳達心意，向全運會送上祝賀，並勉勵運動員突破挑戰。
KellyChu
更多文章
