KellyChu - 梁式芝書院啦啦隊 花瓣起舞撐全運 | Executive日記
KellyChu
2小時前
字體大小
全城撐全運會，中學生都要有份！屢奪佳績嘅梁式芝書院啦啦隊「Sparkle」，昨晚喺北京對四川嘅籃球賽中場登場，個個隊員起勁跳舞，熱力四射，Kelly俾個大like。
「Sparkle」早喺8月開始密集排練，為全運會設計咗全新打氣招數，融合疊羅漢、空中飛人等特技，並以肢體演繹花瓣由散開至盛放嘅過程，象徵運動員努力不懈、終能開花結果。而音樂選用10首廣東歌串聯，先播《跳舞街》，以《隆重登場》收尾，氣勢十足！
「Sparkle」實力有目共睹，曾奪「喜迎全運」全港校際打氣啦啦隊大賽2025中學組冠軍，及「香港啦啦隊挑戰賽2025」少年組L3–L4全女組亞軍。佢哋將於星期日（16日）再度現身劍擊賽事舞台，大家撐運動員之餘，記得為呢班中學生啦啦隊鼓掌打氣！
KellyChu
更多文章
