KellyChu - 梁式芝书院啦啦队 花瓣起舞撑全运 | Executive日记
KellyChu
5小時前
字體大小
全城撑全运会，中学生都要有份！屡夺佳绩嘅梁式芝书院啦啦队「Sparkle」，昨晚喺北京对四川嘅篮球赛中场登场，个个队员起劲跳舞，热力四射，Kelly俾个大like。
「Sparkle」早喺8月开始密集排练，为全运会设计咗全新打气招数，融合叠罗汉、空中飞人等特技，并以肢体演绎花瓣由散开至盛放嘅过程，象征运动员努力不懈、终能开花结果。而音乐选用10首广东歌串联，先播《跳舞街》，以《隆重登场》收尾，气势十足！
「Sparkle」实力有目共睹，曾夺「喜迎全运」全港校际打气啦啦队大赛2025中学组冠军，及「香港啦啦队挑战赛2025」少年组L3–L4全女组亚军。佢哋将于星期日（16日）再度现身剑击赛事舞台，大家撑运动员之余，记得为呢班中学生啦啦队鼓掌打气！
KellyChu
更多文章
