KellyChu - 歌神张学友献声十五运 《水连天》唱大湾区情谊 | Executive日记
KellyChu
5小時前
字體大小
全运会赛事如火如荼，由「四大天王」之一、歌神张学友演唱（图）嘅全运会开幕式粤语版主题歌《水连天》发布。张学友将一脉相连、一衣带水嘅情感演绎得淋漓尽致，传递对十五运会以及参赛健儿嘅祝福。有学友加持，Kelly相信健儿们一定会突破界限，做出更好嘅成绩！
《水连天》原曲为《天海一心》，由著名音乐家舒楠作曲、香港填词人向雪怀填词。张学友富有感染力嘅歌声，更令舒楠忍唔住感动落泪，大赞张学友唱出佢作曲时最想表达嘅情感，仲话无谂过呢首歌可以被演绎到咁嘅境界。
十五运会开幕式总导演郎昆话，主题歌以「水」为中心意象，象征粤港澳大湾区临水而居嘅地理特点。粤语版歌词亦描写积水成渊、海天一色嘅美好画面。正为巡回演唱会奔波嘅张学友，喺百忙之中改词、录歌，只望能透过歌曲传达心意，向全运会送上祝贺，并勉励运动员突破挑战。
KellyChu
更多文章
