鄧達智 - 中伏陳村順德菜 | 智智樂GO
鄧達智
6小時前
字體大小
發夢都冇想過，在美食之鄉順德餐飲，竟然中伏至如此田地……
參加佛山某大型官方活動，晚宴設於人人奉上無限信心與期望，位於陳村培植花草樹木農田中間的私房菜館，房間不過十間，間間裝修寬敞、農民水平豪華。
星光燦爛天穹之下，秋蟲鳴叫，好一幅久違光害近零農家樂。
與會賓客泰半歐美，餘者大江南北，港澳，在地南番順佛山本地人；人人寄予順德美食厚望！
觀展跑了半天，友人與我幾分肚餓，在其他人客到來前，心諗先來一碗地道薑汁撞奶，要求不為過。侍應回覆，廚房不識煮薑汁撞奶（若屬正宗本地人，當稱：薑埋奶），不如來兩客紅豆珍珠豆腐花？
無所謂，試新嘢，無任歡迎。誰知紅豆珍珠不過是紅豆顏色類似珍珠奶茶內所謂的珍珠，豆腐非豆製品，實屬杏仁豆腐類的假豆腐。
環顧安放二十人同台吃飯豪裝大圓枱，被擺設桌面中央的雜色塑膠假花嚴重出賣；身處佛山著名種植花草陳村中間，布置棄用真花真草用膠花？房間掛滿原澳門星級酒店大廚「被頒」琳瑯滿目，各式獎牌、獎狀、仿效法國藍帶廚藝榮譽從藍到紅甚至「最高榮譽」金帶的光榮架勢榜……心諗不妙！
內地，尤其城鎮類別，好客之情最濃厚，一夜二十道菜十分平常，除頭盤河豚湯，單尾炒陳村粉，總算符合順德菜品質；燒鵝毫無生氣，叉燒質乾且柴……麻辣水煮魚、麻辣水煮牛肉、麻辣花甲……幾乎四分一菜式屬雲貴川湘，對佛山順德美食未免掌摑力度來得過猛，懂得何謂南番順菜與會者，簡直傻了眼！
鄧達智
最Hit
