Cally - LOCAL POWER 2025首爾時裝展覽 9月28日開幕 展開兩地時尚交流新篇章 | 商界講呢啲
Cally
3小時前
字體大小
由亞洲新一代創意設計協會主辦、文創產業發展處資助嘅「LOCAL POWER 2025首爾時裝展覽」， 由9月28日至10月11日喺首爾時尚創意地標聖水洞盛大舉行。今次活動除咗向國際舞台展現香港作為時尚之都嘅獨特魅力外，同時亦有助深化香港與韓國之間嘅文化對話。
活動匯聚咗35組嚟自粵港澳大灣區城市及韓國嘅新銳設計師同品牌，透過時裝匯演及展覽形式，呈現超過100套精心打造嘅時尚作品，向香港及韓國兩地嘅業界展示創意成果。
LOCAL POWER 2025早前仲參加咗CENTRESTAGE，搶先曝光部份精選系列，為今次盛事進行熱身。參與設計師之一、同時擔任TYCHEBE創意總監嘅Kim So Yoen親自嚟到香港出席交流活動𠻹。佢表示香港係一座充滿創新活力同文化能量嘅城市，喺香港展示品牌作品唔單止能夠同全球觀眾建立連結，更有助深入理解大中華時尚界嘅動態趨勢與品味走向，並期待未來可透過香港與更多買家及設計師建立合作關係。
活動參展韓國設計師兼TYCHEBE創意總監Kim So Yoen親臨香港出席交流活動。
