KellyChu - 林超英七招教路 夏日炎炎自然降溫 | Executive日記
KellyChu
2025-08-12 02:00 HKT
字體大小
天文台前台長林超英出名環保，即使酷暑難耐，都堅持唔開冷氣。
近日佢透露，自己為孫女罕有破戒，會開下冷氣，不過佢始終係追求自然降溫方法，並總結七大招，俾大家參考，Kelly覺得幾有心思，一於跟啦。
第一招︰用USB風扇仔。林超英全屋都有USB風扇，方便佢喺每個角落都可以用最少電力降溫。
第二招︰臨瞓前飲熱茶。佢話飲完熱茶會出汗，搭配風扇瞓得更好喎！
第三招︰日頭落窗簾。咁樣可以遮擋陽光，避免室內溫度上升喇。
第四招︰用即熱式熱水爐。節能又不會釋放過多熱氣。
第五招︰沖涼用少啲水。足夠洗乾淨個人又唔會嘥水，舒服晒。
第六招︰用透氣薄床墊，透氣舒適嘅床褥可以達到降溫效果，真正做到「夏日炎炎正好眠」。
第七招︰唔用電嗰陣就熄曬所有電源。慳電之餘，仲可以降低電器發出嘅熱量。
KellyChu
更多文章
