葉澍堃 - Ciak及Prohibition 午餐好食抵食 | 葉Sir食經
麗新餐飲集團為慶祝開業18周年，旗下餐廳推出各種優惠和禮遇，為了尋找Jack蘇，上周六跟太座和兒子到海洋公園萬豪酒店的「Ciak及Prohibition」扒房餐廳食周末早午餐，成人每位$568，小童$268，包豪華自助沙律吧，無限添加的精選意大利薄餅和意大利麵，是日餐湯（同樣是無限添加），主菜任擇1款，包括馬達加斯加大蝦、西班牙黑毛豬架、澳洲草飼西冷、美國安格斯肉眼、美國羊肋排骨和美國頂級牛腰肉。甜品也有多款，包括幾種雪糕、芝士餅、柚子撻和水果拼盤等，同樣是無限添加！飲品則汽水果汁免費任飲，若要飲埋紅白餐酒、烈酒和啤酒，只需另加$38，未食已經有種暈眩感覺，因為實在真的太抵！
一家三口坐在窗邊小枱，每人先來杯果汁，跟着到沙律吧自取食物，沙律吧包羅萬有，沙律款式固然不少，番茄、燈籠椒和菇菌等菜蔬齊全，此外還有沙樂美腸和火腿等凍肉，肥美香甜的自家醃製三文魚和吞拿他他，炸物則有薯片、炸雞、炸南瓜和烤蝦，每樣少少已經把大碟堆得滿滿！
食完沙律，侍應為我們送上新鮮出爐的意大利薄餅，「Ciak」薄餅亞洲首屈一指，我們食了3款，分別是用5種芝士作餡的五式芝士薄餅，以番茄、莫瑞拉芝士和羅勒作餡的瑪格麗特薄餅，及用自家製香腸、蘑菇和莫扎瑞拉芝士作餡的格爾恰薄餅，餅皮香脆，餡料鮮香，一食難停。Pasta是我的最愛，無論多飽也一定要食，今次食的是傳統和牛肉醬闊扁面，麵條彈牙，肉醬鮮香，跟着飲碗清甜的粟米湯，主菜我們食的是澳洲草飼西冷、西班牙黑豚豬架和美國羊肋排骨，調味料如芥辣、鹽和醬汁也有多種選擇。餐廳經理Nicole服務一流，為我們逐一介紹，今時今日做餐飲真不容易！
甜品我們揀了芝士餅、士多啤梨雪糕和水果拼盤來分享，最後飲杯香濃咖啡，為這頓食了兩個多小時的周末brunch完美作結。周末周日的早午餐固然抵食到暈，原來周一至周五的午餐更是買一送一，亦即5折優惠，暑假不外遊的話，不妨來這裏搵搵Jack So！
葉澍堃
