KellyChu - 落戶K11 MUSEA首日 球迷排隊「朝聖」 C朗博物館晒冷球衣獎盃 1︰1雕塑任打卡 | Executive日記
KellyChu
18小時前
字體大小
葡萄牙球星C朗拿度踢波生涯獲獎無數，在全球擁有超高人氣。佢首個親手策劃嘅亞洲個人博物館「CR7®LIFE」，昨日正式喺尖沙咀K11 MUSEA開幕，吸引唔少本港球迷排隊入場支持。館內不但欣賞到球王嘅標誌性球衣及所有大大小小獎盃，更有1︰1真人比例嘅「C朗」供大家打卡合照，大派福利，球迷冧爆。
呢個佔地12000平方英尺嘅博物館，全面展示咗C朗傳奇嘅足球生涯，從安多里尼亞、士砵亭，到曼聯、皇家馬德里、祖雲達斯，再到現時效力的艾納斯，以及喺葡萄牙國家隊嘅高光時刻，均有介紹。現場更晒冷多件獎盃真品，包括金球獎、金靴獎、世界盃、歐國盃最佳球員等，亦有C朗親筆簽名嘅士砵亭28號球衣，以及佢在國家隊嘅標誌性7號球衣。
展館中有10個不同嘅C朗雕像，有球迷指，對於其中陳列嘅2.38米高倒掛金鈎雕塑感到十分震撼，表示好難想像職業運動員有咁強嘅身體素質和爆發力。C朗2018年在歐聯8強賽事期間，面對祖雲達斯使出倒掛射門，成功為皇馬入波，造就經典一幕。
博物館還特別復刻C朗於士砵亭時期居住嘅臥室，等參觀者能夠一窺球王年少時嘅生活細節。一位小球迷說，最希望睇到C朗小時候嘅故事，了解佢如何一步步成為足球巨星。亦有球迷話，希望透過展館了解偶像球場外嘅生活點滴。博物館展期預計持續到明年6月尾才結束。
KellyChu
倒掛金鈎雕塑。
