KellyChu - 落户K11 MUSEA首日 球迷排队「朝圣」 C朗博物馆晒冷球衣奖杯 1︰1雕塑任打卡 | Executive日记
KellyChu
2025-07-08 02:00 HKT
字體大小
葡萄牙球星C朗拿度踢波生涯获奖无数，在全球拥有超高人气。佢首个亲手策划嘅亚洲个人博物馆「CR7®LIFE」，昨日正式喺尖沙咀K11 MUSEA开幕，吸引唔少本港球迷排队入场支持。馆内不但欣赏到球王嘅标志性球衣及所有大大小小奖杯，更有1︰1真人比例嘅「C朗」供大家打卡合照，大派福利，球迷冧爆。
呢个占地12000平方英尺嘅博物馆，全面展示咗C朗传奇嘅足球生涯，从安多里尼亚、士砵亭，到曼联、皇家马德里、祖云达斯，再到现时效力的艾纳斯，以及喺葡萄牙国家队嘅高光时刻，均有介绍。现场更晒冷多件奖杯真品，包括金球奖、金靴奖、世界杯、欧国杯最佳球员等，亦有C朗亲笔签名嘅士砵亭28号球衣，以及佢在国家队嘅标志性7号球衣。
展馆中有10个不同嘅C朗雕像，有球迷指，对于其中陈列嘅2.38米高倒挂金钩雕塑感到十分震撼，表示好难想像职业运动员有咁强嘅身体素质和爆发力。C朗2018年在欧联8强赛事期间，面对祖云达斯使出倒挂射门，成功为皇马入波，造就经典一幕。
博物馆还特别复刻C朗于士砵亭时期居住嘅卧室，等参观者能够一窥球王年少时嘅生活细节。一位小球迷说，最希望睇到C朗小时候嘅故事，了解佢如何一步步成为足球巨星。亦有球迷话，希望透过展馆了解偶像球场外嘅生活点滴。博物馆展期预计持续到明年6月尾才结束。
KellyChu
倒挂金钩雕塑。
更多文章
