查小欣 - 甬府「抗深圳價」套餐 | 查乜料

查乜料

查小欣

22小時前

生活專欄

內容

　　主打高級正宗寧波菜的甬府，平日消費每位要千幾蚊，最近優惠食客，推出超值行政午市套餐，性價比之高，堪稱「抗深圳價」，10道菜品，既有經典寧波菜品，又有時令菜式，米芝蓮一星＋黑珍珠一鑽的出品，每位竟是HK$498元+10%！套餐共有20款菜式任選，味味都令人流晒口水，終選定其中10款。

　　前菜選了撈汁鳳爪海蜇，鳳爪去骨，海蜇切幼如麵條，脆口，撈汁微辛調得剛好，足以醒胃。春天，春荀當造，奉幫油燜筍，輕巧清爽，春意滿滿。湯羹暫捨招牌蔣公芋艿羹，揀時令極鮮蠣蝗羹，蠣蝗即蠔仔，蠔身飽滿，羹料豐富，味道果然極鮮，尤其加入清鮮韮王，點睛。炸物：香酥雞翅釀芋泥，雞翼去骨裹在芋泥中，妙在炸漿軟薄，雞肉芋泥超滑。

　　海鮮點了油水馬鮫魚，肉厚油潤卻不膩；那個蟶子麻辣豆腐甚惹味（見圖），蟶子隻隻漲卜卜，與麻辣豆腐門當戶對，下飯佳選。小炒要了平菇雪菜炒雞片配欖仁，表面平平無奇，卻是禾稈冚珍珠，雞片竟能炒得這麼嫩。炒菜心，切成菜段，翠綠不油又爽。主食苔菜炒年糕更是不得了，年糕切片，煎至外微脆內軟綿，苔菜甜俏，忍不住連食幾件。至於甜品寧波湯圓更為講究，餡料黑芝麻用人手樁碎，以保持咬口，湯圓即叫即包，用文火慢炆15分鐘至透明，入口軟糯順滑，天花板之作。

　　端午節將至，下次再來，定要嘗嘗手工製作的3款寧式子：原味醬油肉、蛋黃肉、清香白米，期待。

查小欣