KellyChu - 旅發局「藝聚香港café」展出香港海外聯乘作品｜Executive日記
KellyChu
2023-03-23
字體大小
香港3月嘅藝術氣氛濃厚，旅發局嘅「藝聚香港」活動，今個月支持多項國際藝術盛事嚟香港舉行，包括今個星期同期登場嘅Art Basel Hong Kong，同匯聚亞洲新銳藝術界菁英嘅Art Central。同時，局方仲推廣本地國際藝術家交流同社區深度藝文遊，鼓勵市民一齊藝遊香港！Kelly已經急不及待要去睇展喇！
作品以香港為主題
為咗支持多項國際藝術盛事，旅發局近日就邀請本地同海外藝術家聯乘創作以香港為主題嘅藝術品，透過同Art Central合作，在場館以設立「藝聚香港café」嘅新方式展示，將café化身成當代藝術畫廊。同時，局方亦都支持Art Basel Hong Kong將國際級藝術作品，由展覽廳帶到社區，喺中環同金鐘嘅巴士站同電車站，展示本地藝術家刻劃香港嘅特選作品，歡迎旅客藝遊香港。
另外，法國5月藝術節今年迎嚟30周年，其重點包括沉浸式展覽《虛擬凡爾賽宮之旅》。
局方就會同藝術節合作，邀請本地藝術家將凡爾賽宮呈現喺電車車身，藉電車作為「流動畫板」，將呢個全方位感官同互動之旅帶入香港社區！
Kelly Chu
作品以香港為主題
為咗支持多項國際藝術盛事，旅發局近日就邀請本地同海外藝術家聯乘創作以香港為主題嘅藝術品，透過同Art Central合作，在場館以設立「藝聚香港café」嘅新方式展示，將café化身成當代藝術畫廊。同時，局方亦都支持Art Basel Hong Kong將國際級藝術作品，由展覽廳帶到社區，喺中環同金鐘嘅巴士站同電車站，展示本地藝術家刻劃香港嘅特選作品，歡迎旅客藝遊香港。
另外，法國5月藝術節今年迎嚟30周年，其重點包括沉浸式展覽《虛擬凡爾賽宮之旅》。
局方就會同藝術節合作，邀請本地藝術家將凡爾賽宮呈現喺電車車身，藉電車作為「流動畫板」，將呢個全方位感官同互動之旅帶入香港社區！
Kelly Chu
更多文章
