曾智華 - 本地牛𦟌頂呱呱｜祿祿無窮
曾智華
2022-12-14 00:00 HKT
字體大小
早前小弟在本欄透露，在九龍城廣場買到條正斗澳洲和牛牛𦟌，肥美𡁻頭佳。豈料，一登出來後，即日開始再「冇貨賣」！
因為，唔知邊個咁神心，見一條掃一條，搞到我呢個「始作俑者」也口糠糠，從此玩完！
條氣當然唔順！天下之大，難道只有嗰處的牛𦟌最靚最美味？
於是，繼續四圍巡。巡到落九龍城街市，見一專賣優質本地牛檔口，掛住四條本地牛𦟌。於是問阿叔：「叔叔，邊條最正呀？」
「當然最貴一條最正啦哥仔（其實我都已經是長者）， 一分錢一分貨呀。嗱，想平就食呢條，（指住最奀一條），嚿鬆啲水。想靚就食呢條（指住最肥美一條），兩嚿過外㗎！」老派人講嘢，唔會有油淋淋老sell口脗，實實在在，一就一、二就二。
老友，既然想食上等貨色，就唔差在一嚿水，當然要最靚一條啦（圖），順口要求：「師傅，唔該你幫我起咗啲筋佢！」
「有冇搞錯，買牛𦟌唔要筋？精華所在喎！」 教仔咁教我：「嗱， 返屋企，切片，用滾水灼下，將血水清一清，再用大量配料炆之。腍咗之後，牛筋起晒膠，啖啖彈牙，正呀！」
返家請菲姐SALLY炮製。睇佢切時，非常黐刀，擺明又新鮮又優質。
今鋪炆咖喱。加入大量薯仔、洋蔥、甘筍……夠時間，一開蓋。嘩……滿室芳香，流晒口水。
果然冇介紹錯。新鮮牛𦟌今勻揮低冰鮮和牛嘞！
曾智華
因為，唔知邊個咁神心，見一條掃一條，搞到我呢個「始作俑者」也口糠糠，從此玩完！
條氣當然唔順！天下之大，難道只有嗰處的牛𦟌最靚最美味？
於是，繼續四圍巡。巡到落九龍城街市，見一專賣優質本地牛檔口，掛住四條本地牛𦟌。於是問阿叔：「叔叔，邊條最正呀？」
「當然最貴一條最正啦哥仔（其實我都已經是長者）， 一分錢一分貨呀。嗱，想平就食呢條，（指住最奀一條），嚿鬆啲水。想靚就食呢條（指住最肥美一條），兩嚿過外㗎！」老派人講嘢，唔會有油淋淋老sell口脗，實實在在，一就一、二就二。
老友，既然想食上等貨色，就唔差在一嚿水，當然要最靚一條啦（圖），順口要求：「師傅，唔該你幫我起咗啲筋佢！」
「有冇搞錯，買牛𦟌唔要筋？精華所在喎！」 教仔咁教我：「嗱， 返屋企，切片，用滾水灼下，將血水清一清，再用大量配料炆之。腍咗之後，牛筋起晒膠，啖啖彈牙，正呀！」
返家請菲姐SALLY炮製。睇佢切時，非常黐刀，擺明又新鮮又優質。
今鋪炆咖喱。加入大量薯仔、洋蔥、甘筍……夠時間，一開蓋。嘩……滿室芳香，流晒口水。
果然冇介紹錯。新鮮牛𦟌今勻揮低冰鮮和牛嘞！
曾智華
最Hit
中年好聲音3決賽｜第4季開始報名一常駐評審疑將退出？ 當事人揭工作安排：暫未收到通知
2025-05-12 19:00 HKT
中年好聲音3決賽丨季軍劉洋老婆真面目曝光 被《東張》直擊錫錫 場外唱情歌冧妻
2025-05-12 22:00 HKT
港人首搭新型19座小巴！往返九龍塘至東頭邨 車廂內部進化變成咁？網民：冇晒小巴感覺
2025-05-12 17:12 HKT
更多文章
