曾智華 - 一個老，一個詐｜祿祿無窮
曾智華
2022-12-13 00:00
字體大小
世界，不一定前進，間中（甚至不時），也會打倒褪。例如政治人物。
香港的Baby boomer（全球的？），二戰之後出生，無不見證美國超強，領導一切潮流。
理所當然，崇美成世界主流，年輕人對美國一切，尤其文化，非常嚮往。能到美國留學，更是大量年輕人的夢想。
小弟是其中一個。結果，「粗粗地」（入讀三流大學），也算夢想成真。
六十年代的美國，朝氣勃勃，尤其出咗個具明星魅力的總統——甘迺迪。雖然之後四位總統普普通通，但到八一年列根上場，又再獲普遍擁戴。到九三年，再一年輕靚仔上場，正是靠吹色士風拉選票的克林頓。然後，○九年又有口碼玲瓏的演說家奧巴馬。
美國高水平大學極多，歷來訓練無數傑出人才。故此，早年的政客，非常有質素。
不過，搞搞吓，慘矣。唔知點解，真係唔知點解！二〇一七年特朗普上場後，美國一項又一項的優良傳統，逐漸蒸發，因狂特「乜都做得出」。
結果，不但內鬥加劇，兼且，不少智者，也視政壇為畏途，搞到政治人物水平江河下瀉。
難怪，多口界人不停揶揄，下屆美國總統分分鐘由一個呆老鬥一個騙棍。
每次見拜登出現，我皆暗忖：「唉，老成咁，震震吓，好心咪走出嚟獻世啦？」 而見到特朗普，也一樣：「成個家族呃呃騙騙，重好意思選總統？」（「特朗普集團」被控稅務詐欺罪成）
曾智華
香港的Baby boomer（全球的？），二戰之後出生，無不見證美國超強，領導一切潮流。
理所當然，崇美成世界主流，年輕人對美國一切，尤其文化，非常嚮往。能到美國留學，更是大量年輕人的夢想。
小弟是其中一個。結果，「粗粗地」（入讀三流大學），也算夢想成真。
六十年代的美國，朝氣勃勃，尤其出咗個具明星魅力的總統——甘迺迪。雖然之後四位總統普普通通，但到八一年列根上場，又再獲普遍擁戴。到九三年，再一年輕靚仔上場，正是靠吹色士風拉選票的克林頓。然後，○九年又有口碼玲瓏的演說家奧巴馬。
美國高水平大學極多，歷來訓練無數傑出人才。故此，早年的政客，非常有質素。
不過，搞搞吓，慘矣。唔知點解，真係唔知點解！二〇一七年特朗普上場後，美國一項又一項的優良傳統，逐漸蒸發，因狂特「乜都做得出」。
結果，不但內鬥加劇，兼且，不少智者，也視政壇為畏途，搞到政治人物水平江河下瀉。
難怪，多口界人不停揶揄，下屆美國總統分分鐘由一個呆老鬥一個騙棍。
每次見拜登出現，我皆暗忖：「唉，老成咁，震震吓，好心咪走出嚟獻世啦？」 而見到特朗普，也一樣：「成個家族呃呃騙騙，重好意思選總統？」（「特朗普集團」被控稅務詐欺罪成）
曾智華
更多文章
