曾智華 - 肥師奶跳森巴舞｜祿祿無窮
曾智華
2022-12-12 00:00 HKT
字體大小
世界盃如世情，永遠變幻莫測。這種Unpredictable game，有人話唔正路，假嘅。但有人就話咁至好玩夠晒刺激。小弟宗旨又如何？無論投注波或馬，皆視之為遊戲。參與遊戲，就要畀「遊戲費」！
老友，你租個場踢波或打羽毛球，都要畀錢啦。人哋搞咁大場足球或賽馬俾你happy，仲想鋪鋪贏？係咪太大貪呢？
講返前日，早上七點撞入茶記，但覺怨氣沖天。鬼咩，班正路貼波的士大叔，個個死魚咁款，因為……巴西輸波！連阿根廷也只能和波（靠十二碼勝出）。意即，佢哋早早揚言重錘客勝二串一，瓜到直晒，輸到叫阿媽。
「頂佢頭槌，巴西專打假波。克羅地亞又老又殘，故此馬會客勝才開一點二八倍，擺明巴西應該sure win啦，咁都……真係㷫到爆！」高佬A呻到樹葉落：「今次，班蠱惑球員肥到着唔到襪啦！」
高佬A有冇理據？大家可重溫場波，應有客觀定論。
當的士大叔MM聲火都嚟之際，七點二，門外響起歌聲，兩位肥師奶扭下擰下，扮森巴女郎一邊跳一邊入座。
「哈哈，B嬸，早早話啦，世界盃，專爆冷，所以，唔理真假，只買冷一瓣及和波。我哋兩個和波師奶，哈！又中晒。三十元二串一，收一百九十一元，六倍幾！你話使乜識分析呀，係咪？」擺明窒的士大叔。咁搞法，分分鐘決賽日開大片！
曾智華
老友，你租個場踢波或打羽毛球，都要畀錢啦。人哋搞咁大場足球或賽馬俾你happy，仲想鋪鋪贏？係咪太大貪呢？
講返前日，早上七點撞入茶記，但覺怨氣沖天。鬼咩，班正路貼波的士大叔，個個死魚咁款，因為……巴西輸波！連阿根廷也只能和波（靠十二碼勝出）。意即，佢哋早早揚言重錘客勝二串一，瓜到直晒，輸到叫阿媽。
「頂佢頭槌，巴西專打假波。克羅地亞又老又殘，故此馬會客勝才開一點二八倍，擺明巴西應該sure win啦，咁都……真係㷫到爆！」高佬A呻到樹葉落：「今次，班蠱惑球員肥到着唔到襪啦！」
高佬A有冇理據？大家可重溫場波，應有客觀定論。
當的士大叔MM聲火都嚟之際，七點二，門外響起歌聲，兩位肥師奶扭下擰下，扮森巴女郎一邊跳一邊入座。
「哈哈，B嬸，早早話啦，世界盃，專爆冷，所以，唔理真假，只買冷一瓣及和波。我哋兩個和波師奶，哈！又中晒。三十元二串一，收一百九十一元，六倍幾！你話使乜識分析呀，係咪？」擺明窒的士大叔。咁搞法，分分鐘決賽日開大片！
曾智華
最Hit
港媽路經上環餐廳主廚力邀 觀望後離開遭罵「X你」 店內食客1反應火上加油？
2025-11-03 17:31 HKT
緬甸掃蕩電詐園大逃亡 黑市掀「搶人大戰」
1小時前
前TVB「御用癲人」王偉樑變基層打工仔被爆近況 疑似老闆揭真實為人 打工地點掀討論
2025-11-04 09:00 HKT
更多文章
