曾智华 - 本地牛𦟌顶呱呱｜禄禄无穷
曾智华
2022-12-14 00:00 HKT
字體大小
早前小弟在本栏透露，在九龙城广场买到条正斗澳洲和牛牛𦟌，肥美𡁻头佳。岂料，一登出来后，即日开始再「冇货卖」！
因为，唔知边个咁神心，见一条扫一条，搞到我呢个「始作俑者」也口糠糠，从此玩完！
条气当然唔顺！天下之大，难道只有𠮶处的牛𦟌最靓最美味？
于是，继续四围巡。巡到落九龙城街市，见一专卖优质本地牛档口，挂住四条本地牛𦟌。于是问阿叔：「叔叔，边条最正呀？」
「当然最贵一条最正啦哥仔（其实我都已经是长者）， 一分钱一分货呀。嗱，想平就食呢条，（指住最奀一条），嚿松啲水。想靓就食呢条（指住最肥美一条），两嚿过外㗎！」老派人讲嘢，唔会有油淋淋老sell口脗，实实在在，一就一、二就二。
老友，既然想食上等货色，就唔差在一嚿水，当然要最靓一条啦（图），顺口要求：「师傅，唔该你帮我起咗啲筋佢！」
「有冇搞错，买牛𦟌唔要筋？精华所在㖞！」 教仔咁教我：「嗱， 返屋企，切片，用滚水灼下，将血水清一清，再用大量配料炆之。腍咗之后，牛筋起晒胶，啖啖弹牙，正呀！」
返家请菲姐SALLY炮制。睇佢切时，非常黐刀，摆明又新鲜又优质。
今铺炆咖喱。加入大量薯仔、洋葱、甘笋……够时间，一开盖。哗……满室芳香，流晒口水。
果然冇介绍错。新鲜牛𦟌今匀挥低冰鲜和牛嘞！
曾智华
因为，唔知边个咁神心，见一条扫一条，搞到我呢个「始作俑者」也口糠糠，从此玩完！
条气当然唔顺！天下之大，难道只有𠮶处的牛𦟌最靓最美味？
于是，继续四围巡。巡到落九龙城街市，见一专卖优质本地牛档口，挂住四条本地牛𦟌。于是问阿叔：「叔叔，边条最正呀？」
「当然最贵一条最正啦哥仔（其实我都已经是长者）， 一分钱一分货呀。嗱，想平就食呢条，（指住最奀一条），嚿松啲水。想靓就食呢条（指住最肥美一条），两嚿过外㗎！」老派人讲嘢，唔会有油淋淋老sell口脗，实实在在，一就一、二就二。
老友，既然想食上等货色，就唔差在一嚿水，当然要最靓一条啦（图），顺口要求：「师傅，唔该你帮我起咗啲筋佢！」
「有冇搞错，买牛𦟌唔要筋？精华所在㖞！」 教仔咁教我：「嗱， 返屋企，切片，用滚水灼下，将血水清一清，再用大量配料炆之。腍咗之后，牛筋起晒胶，啖啖弹牙，正呀！」
返家请菲姐SALLY炮制。睇佢切时，非常黐刀，摆明又新鲜又优质。
今铺炆咖喱。加入大量薯仔、洋葱、甘笋……够时间，一开盖。哗……满室芳香，流晒口水。
果然冇介绍错。新鲜牛𦟌今匀挥低冰鲜和牛嘞！
曾智华
最Hit
移英港人｜BNO签证申请永居门槛维持5年
7小時前
薄扶林烧味店濒执笠 获港大内地生做1成功逆转 老板长文答谢兼减价 熟客劝：不要再降价了！
2025-11-19 14:55 HKT
六合彩｜头奖一注独中赢5,200万 一号码50期内被搅出15次（附幸运号码）
2025-11-19 20:30 HKT
更多文章
