白頭Lo - 睇好大阪賭場旅客人數東日物業部署綜合性發展提高競爭力 | 白頭Lo海外地產專欄

白頭Lo海外地產專欄

白頭Lo

2025-07-05 02:00 HKT

產經專欄

內容

　　喺大阪世博開幕後幾日，大阪嘅綜合式度假區亦開始動工，呢個被視為大阪世博後繼續推動當地發展嘅新項目，預計將會喺2030年落成，作為日本第一個合法賭場，加上日本本身旅遊業上嘅吸引力，相信已經有唔少人經已期待咗好耐。

　　雖然喺2023年嘅時候官方預估每年會吸引2,000萬人次，但係睇番大阪世博嘅數據，佢哋用咗兩個幾月就已經吸引咗1,000萬名旅客嚟計，2,000萬呢個數字似乎都係太保守。

　　東日物業總經理Christine Kwong睇好呢個綜合式度假區嘅旅客人數可以到達4,000萬，為咗應付未來更龐大需求，佢哋將會採用綜合性嘅發展策略。首先作為發展商，將會繼續加大擴大物色房源，並部署擴充裝修工人團隊，同時開拓自己嘅建築物料供應鏈，以應付日益增長嘅需求。Christine仲表示有咗自己嘅供應鏈，仲可以賣番俾其他企業增加收益。

　　同時佢哋亦會繼續強化東日民宿預訂平台tybnbbooking.com嘅服務，例如今年會投入3部中型小巴及房車，提供接送同包車等配套，亦會提供免費旅遊路線及資訊、與當地食肆及商店合作提供優惠，甚至遙距大型行李代收服務等，有助提升市場優勢，提高競爭力。

　　另外，喺大數據嘅時代，業主可以接收自己嘅生意大數據分析收入，並由平台嘅服務中心人員協助下，加強出租及增強服務嘅品質配套。依家已經有四百幾個來自亞洲唔同國家同地區嘅業主參與，未來亦會開拓其他國家地區嘅B&B版圖，盤生意就越來越大啦。

日本民宿物業巡禮一對一諮詢
日期：7月5日（星期六）
時間：上午12時至晚上7時
地址：尖沙咀海港城港威大廈1座20樓06室
查詢：6381 1308
WhatsApp：6168 3676