頭條戲場 - 春風唔該拍多啲戲《請問，還有哪裡需要加強》｜頭條戲場
頭條戲場
2023-09-04 00:00 HKT
字體大小
電影改編自九把刀小說《精準的失控》的第4章「這是我要的感覺」，是繼《那些年，我們一起追的女孩》後，九把刀的第4部電影，由當地Hip Hop天團「玖壹壹」的春風首做男一，飾演霸氣又有義氣的社團大佬泰哥，跟宋芸樺飾演的大膽洗頭妹阿芬，發展一段鹹酸浪漫情緣。電影屬典型台式喜劇，有大量台語兼數唔到咁多笑位。重點推介春風，打打殺殺夠狠，發姣夠甜，輕觸式演技睇到人心癢癢，表白春風，唔該拍多啲戲。（上映中） 撰文：廖思慧
泰哥同大佬被埋伏，後者死亡，身受重傷的前者衝入阿芬的舊式髮型屋，多得阿芬，泰哥逃過一劫。為報答救命之恩，泰哥交代所有幫派小弟奉獻頭髮，等剪髮功力負數的阿芬實習。導演九把刀說：「這是一部關於大家都想要談戀愛的故事。」社團大佬遇到有義氣良家婦女極速沉船，追女招老土但好好笑，情感表達反差之大亦非常「中二病」，特別是春風跟宋芸樺的合作，橫睇掂睇都非常唔襯，但化學作用好強，都係嗰句，麻煩春風拍多啲戲。
考古港星周群達
睇開九把刀都大約知佢講故事及執導功力，台式喜劇都係咁上下，務求用一堆笑料餵飽觀眾，要笑又要有深度，呢套未必啱你。戲中大玩打破第4面牆跟觀眾對話，又有唔少致敬經典港產片場口，加上九把刀班底柯震東及蔡昌憲等出盡力搞笑，又識得玩meme，玩「中二病」玩得出色都唔容易。特別一提飾演泰哥老友東莞哥的周群達，原名黎登勤，前香港滑浪風帆隊的代表，香港滑浪風帆奧運金牌得主李麗珊的表弟，29年前入行，拍過《I Do戀性世代》，戲中廣東話粗口之多之狠勁之入肉，睇三級港產片都未感受過，好特別嘅觀影體驗。
最Hit
遊泰注意｜泰國王太后逝世 服喪一年5件事不能做
12小時前
前亞姐羅霖苦盡甘來 獨力照顧三子成就非凡 老二碩士畢業任職心理醫生 勸勉同路人為保障離婚要公告天下
2025-10-25 10:00 HKT
前TVB「搞笑始祖」從商曾歷破產 慘遇天災財產遭毀滅式破壞 嘆「乜都冇晒」景況淒涼
2025-10-25 09:00 HKT
51歲男歌手獲邀參觀小米科技園 近10名保鑣等傍實入場超大陣仗 逾千人舉機拍攝萬人空巷
2025-10-25 11:00 HKT
更多文章
