【Juicy叮】躁夫屢籐條打仔想勸阻被毆港媽呻：仔有樣學樣打工人

港聞

更新時間：18:05 2021-03-14 HKT
發佈時間：16:25 2021-03-14 HKT

網民呼籲港媽報警及離婚。示意圖片

網民在網上討論區「親子王國」發文求助，指丈夫多次體罰幼稚園兒子，甚至向她也出手，兒子亦模仿出手推撞外傭姐姐。港媽於是問網民應該容忍到甚麽程度。

丈夫暴躁，她已經勸阻過很多次，但丈夫次次用籐條打到小朋友身體有印，港媽昨日又見到丈夫打完小朋友一次又想打多一次，結果「我就推佢一下，佢就連我都打埋」。

港媽又透露，「仔被打原因仲搞笑，因為佢打姐姐，姐姐問佢點解，佢話爸爸都係咁」。港媽向丈夫反映，「唔想佢再用武力否則孩子有樣學樣」。

對於網民紛紛勸説報警及離婚，她指，無報警「唔想推佢（丈夫）入去受,同無咗份工,離婚唔想衝動下魯莽決定」她又說，「我話報警，佢（丈夫）話唔怕，有咪一起拉囉，佢話我有郁手推佢，有病！有邊個啊媽仲可以坐嚮度」。

有人留言指，「絕不贊成體罰」、「叫佢去睇醫生啦，郁手打個比自己細小冇反抗力的人，係懦夫行為」、「一下都不能忍。使唔使扮你鄰居幫你報警？唔想見到臨臨案重現。打只會越來越過份。你要保護自己同小朋友呀」、「以不受傷為原則，輕輕打下可接受。但我睇到佢連你都打埋，就無法接受。我會離婚。打老婆只有零次和無數次。不會接受打老婆的男人。」、「掉咗支藤條，唔好再俾丈夫打小朋友，連你都保護唔到佢，小朋友會好淒慘，活在恐懼中，同丈夫講再打會報警告佢虐兒」。

帖文轉載自《見住丈夫打小朋友咩程度你地會忍唔到》