【Juicy叮】準業主申6成按揭因任職零售遭銀行拒批心慌慌

港聞

更新時間：16:09 2021-03-10 HKT
發佈時間：15:28 2021-03-10 HKT

網民指銀行以從事零售為由拒絕批出貸款。示意圖片

經濟低迷下零售業出現裁員、結業潮，有準業主在網上討論區「親子王國」發文求教，稱向銀行申請6成按揭貸款，因任職零售業所以拒批，令她大為驚慌。

從事7年零售業的網民說，以700多萬元買入二手已補地價、樓齡不足20年居屋，申請6成即420多萬元按揭。

她指「其實我簽臨約時有問過銀行，銀行都話資料齊，又知我做邊行」，「收到XX銀行電話，話我做零售，所以按揭唔批，重有2間未覆，好擔心」。她透露，買樓成交期在5月，經中介申請貸款，她預算比4成首期，通過到壓力測試，無想到會拒批。

她指，已經找了同樣從事零售業的丈夫做擔保人，雖然收入不高但固定。她只好連忙向其他銀行申請，包括三大行申請，中小型銀行也嘗試碰碰運氣。她直言，「由尋日開始收到個電話，我到而家都坐立不安，尋晚又瞓得唔好，瞓下醒下，好痛苦，原來買樓係噤架」。

網民求助指購入居屋後被銀行拒絕批出貸款。示意圖片

不少網民建議事主盡快漁翁撒網去其他銀行嘗試按揭，有人認為「你遇著個唔好嘅時機啫，好景時銀行理得你做邊行，不過借六成唔使經hkmc 都唔批就真係估唔到，不過也幸好唔使經hkmc 程序快好多，希望你快啲搵到批嘅銀行」。

有過來人說「希望早日有好消息，我都經歷過差不多事情，由原先預按時無問題就去馬，點知同一間銀行等咗個半月，扣埋長假離成交得返一個月，呢段時間真係寢食難安，就係walk-in去多幾間，之後得咗都唔係預按果間」、「做了7年可以找出糧銀行申請，之前我問按揭時職員話如過出糧同一銀行，他們不用找其他銀行出糧資料，會快啲。我都係近日買樓，其實份工都叫穩定，但是剛剛發夢被解僱，所以應該都有無形壓力」

帖文轉載自親子王國討論區《第一間按揭唔批，好驚》